سولتٷستٸك قازاقستان وبلىسىنىڭ سوكولوۆكا ەلدٸ مەكەنٸندە كوروناۆيرۋس ينفەكتسيياسىنىڭ كٶپتەپ تارالۋىنا بايلانىستى بٷگٸننەن باستاپ كارانتيندٸك شەكتەۋ شارالارى كٷشەيتٸلدٸ, دەپ حابارلايدى "ۇلت اقپارات".
قىزىلجار اۋدانىنىڭ باس سانيتار دەرٸگەرٸ جانگەلدٸ يبراەۆتٸڭ ايتۋىنشا, اقپان ايىنىڭ باسىنان سوكولوۆكا ەلدٸ مەكەنٸندە كوروناۆيرۋس ينفەكتسيياسىن جۇقتىرۋدىڭ 18 جاعدايى تٸركەلگەن. سونىڭ تٶرتەۋٸ ٶتكەن اپتادا انىقتالعان.
«وبلىستىق شتابتىڭ شەشٸمٸمەن ەگەر دە ەلدٸ مەكەندە 10 جەنە ودان دا كٶپ اۋىرعان ادام تٸركەلسە, تٸزبەكتٸ ٷزٸپ, جۇقتىرعاندار سانىن ازايتۋ ٷشٸن كارانتيندٸك شەكتەۋ شارالارى كٷشەيتٸلەدٸ. الايدا بلوك-پوستار قويىلمايدى. ٶتكەن اپتادا سوكولوۆكادا 4 جاعداي تٸركەلسە, ونىڭ الدىندا 14 ادامدا كۆي انىقتالدى. ينكۋباتسييالىق جاعداي 14 كٷن بولعاندىقتان شەكتەۋ شارالارىن قاتاڭداتۋعا شەشٸم قابىلدادىق», - دەيدٸ جانگەلدٸ يبراەۆ.
اۋداننىڭ باس سانيتار دەرٸگەرٸنٸڭ ايتۋىنشا, اۋداندا كوروناۆيرۋس بويىنشا جاعداي تۇراقتالىپ كەلەدٸ. اقپان ايىنىڭ باسىندا 69 ادامدا كۆي انىقتالسا, ٶتكەن اپتادا ول 43-كە دەيٸن ازايدى. قازٸر مۇنداعى سوكولوۆ, وزەرنىي جەنە سيۆكوۆ ورتا مەكتەپتەرٸ كارانتينگە جابىلىپ, وقۋشىلارى قاشىقتان وقۋعا كەتتٸ.
