Soltústik Qazaqstan oblysy 1 aqpannan bastap tsifrlyq efirlik telehabar taratý jelisine kóshedi, dep habarlaidy "Ult aqparat".
SQO teleradio habarlaryn taratý direktsiiasynyń mamandary brifingide óńirdiń tsifrlyq efirlik telehabar taratý jelisine kóshetinin habardar etti.
Jetekshi injener Dáýren Samuratovtyń aitýynsha, biyl jospar boiynsha DVB-T2 standartyndaǵy tsifrlyq efirlik telehabar taratý jelisine kóshý Soltústik Qazaqstan oblysy men Almaty qalasynda júzege asyrylady. Iaǵni osy kúnnen bastap analog telehabar taratý jelisi óshiriledi.
«Joba aiasynda SQO byltyr 1 jeltoqsanda kóshýi tiis edi. Belgili sebeptermen ol 1 aqpanǵa shegerildi. Osy ýaqytqa deiin kóptegen daiyndyq júrgizildi. Óńirde 42 radio-televiziialyq stansa turǵyzylyp, jańǵyrtyldy. Nátijesinde tsifrlyq efirlik habar taratý signaly 617 eldi mekenge jetedi. Osylaisha 537 780 adam «tsifrǵa» qoljetimdi boldy, bul oblys halqynyń 98 %-y», - deidi Dáýren Samuratov.
«Qazteleradio» AQ tehnikalyq ortalyǵynyń málimetinshe, analog teleradiohabar taratý jelisi óshirilgennen keiin 4 myńnan astam halqy bar 21 eldi meken TsETT qamtý aýmaǵynan tys qalady. Bul aýyldardy jańa formatqa kóshirý boiynsha tiisti jumystar júrgizilmek.
«Artyqshylyǵy kóp. Aldymen habar taratatyn arnalardyń beine men dybys sapasy edáýir artady. Mýltiplekste birneshe HD formattaǵy arna da bar. Ekinshiden qoljetimdi arna sany artady. Petropavl mańyndaǵy 280 myń turǵyny bar 130 eldi mekende 26 telearna qoljetimdi bolady. Sondai-aq Reseimen shekaralas ornalasqan bizdiń oblystaǵy eldi meken turǵyndary endi kórshi memlekettiń emes, otandyq teleónimdi kórýge múmkindik alady», - deidi SQO teleradio habarlaryn taratý direktsiiasy basshysynyń orynbasary Erkin Mekenov.
Qazirgi tańda halyq analog televiziianyń óshiriletindigi jóninde habarlandyrylǵan.
«TsETT-ǵa qosylý úshin bólmelik nemese tysqa ornatylatyn qabyldaǵysh antenna men DVB-T2 standartynda kórsetetin teledidar qajet. Sodan keiin mázirde tsifrlyq arnalardy izdestirý túimeshesin basý kerek. Osymen boldy, arnalar qoljetimdi.
Eger teledidaryńyz DVB-T2 standartyn ustamaityn bolsa, TsETT jelisine arnalǵan qabyldaǵysh satyp alý kerek. Bul qabyldaǵyshtar turmystyq jáne kompiýter tehnikasy dúkenderinde satylady», - deidi SQO teleradio habarlaryn taratý direktsiiasynyń jetekshi injeneri Dáýren Samuratov.
