سولتٷستٸك قازاقستان وبلىسى 1 اقپاننان باستاپ تسيفرلىق ەفيرلٸك تەلەحابار تاراتۋ جەلٸسٸنە كٶشەدٸ, دەپ حابارلايدى "ۇلت اقپارات".
سقو تەلەراديو حابارلارىن تاراتۋ ديرەكتسيياسىنىڭ ماماندارى بريفينگٸدە ٶڭٸردٸڭ تسيفرلىق ەفيرلٸك تەلەحابار تاراتۋ جەلٸسٸنە كٶشەتٸنٸن حاباردار ەتتٸ.
جەتەكشٸ ينجەنەر دەۋرەن سامۇراتوۆتىڭ ايتۋىنشا, بيىل جوسپار بويىنشا DVB-T2 ستاندارتىنداعى تسيفرلىق ەفيرلٸك تەلەحابار تاراتۋ جەلٸسٸنە كٶشۋ سولتٷستٸك قازاقستان وبلىسى مەن الماتى قالاسىندا جٷزەگە اسىرىلادى. ياعني وسى كٷننەن باستاپ انالوگ تەلەحابار تاراتۋ جەلٸسٸ ٶشٸرٸلەدٸ.
«جوبا اياسىندا سقو بىلتىر 1 جەلتوقساندا كٶشۋٸ تيٸس ەدٸ. بەلگٸلٸ سەبەپتەرمەن ول 1 اقپانعا شەگەرٸلدٸ. وسى ۋاقىتقا دەيٸن كٶپتەگەن دايىندىق جٷرگٸزٸلدٸ. ٶڭٸردە 42 راديو-تەلەۆيزييالىق ستانسا تۇرعىزىلىپ, جاڭعىرتىلدى. نەتيجەسٸندە تسيفرلىق ەفيرلٸك حابار تاراتۋ سيگنالى 617 ەلدٸ مەكەنگە جەتەدٸ. وسىلايشا 537 780 ادام «تسيفرعا» قولجەتٸمدٸ بولدى, بۇل وبلىس حالقىنىڭ 98 %-ى», - دەيدٸ دەۋرەن سامۇراتوۆ.
«قازتەلەراديو» اق تەحنيكالىق ورتالىعىنىڭ مەلٸمەتٸنشە, انالوگ تەلەراديوحابار تاراتۋ جەلٸسٸ ٶشٸرٸلگەننەن كەيٸن 4 مىڭنان استام حالقى بار 21 ەلدٸ مەكەن تسەتت قامتۋ اۋماعىنان تىس قالادى. بۇل اۋىلداردى جاڭا فورماتقا كٶشٸرۋ بويىنشا تيٸستٸ جۇمىستار جٷرگٸزٸلمەك.
«ارتىقشىلىعى كٶپ. الدىمەن حابار تاراتاتىن ارنالاردىڭ بەينە مەن دىبىس ساپاسى ەدەۋٸر ارتادى. مۋلتيپلەكستە بٸرنەشە HD فورماتتاعى ارنا دا بار. ەكٸنشٸدەن قولجەتٸمدٸ ارنا سانى ارتادى. پەتروپاۆل ماڭىنداعى 280 مىڭ تۇرعىنى بار 130 ەلدٸ مەكەندە 26 تەلەارنا قولجەتٸمدٸ بولادى. سونداي-اق رەسەيمەن شەكارالاس ورنالاسقان بٸزدٸڭ وبلىستاعى ەلدٸ مەكەن تۇرعىندارى ەندٸ كٶرشٸ مەملەكەتتٸڭ ەمەس, وتاندىق تەلەٶنٸمدٸ كٶرۋگە مٷمكٸندٸك الادى», - دەيدٸ سقو تەلەراديو حابارلارىن تاراتۋ ديرەكتسيياسى باسشىسىنىڭ ورىنباسارى ەركٸن مەكەنوۆ.
قازٸرگٸ تاڭدا حالىق انالوگ تەلەۆيزييانىڭ ٶشٸرٸلەتٸندٸگٸ جٶنٸندە حابارلاندىرىلعان.
«تسەتت-عا قوسىلۋ ٷشٸن بٶلمەلٸك نەمەسە تىسقا ورناتىلاتىن قابىلداعىش انتەننا مەن DVB-T2 ستاندارتىندا كٶرسەتەتٸن تەلەديدار قاجەت. سودان كەيٸن مەزٸردە تسيفرلىق ارنالاردى ٸزدەستٸرۋ تٷيمەشەسٸن باسۋ كەرەك. وسىمەن بولدى, ارنالار قولجەتٸمدٸ.
ەگەر تەلەديدارىڭىز DVB-T2 ستاندارتىن ۇستامايتىن بولسا, تسەتت جەلٸسٸنە ارنالعان قابىلداعىش ساتىپ الۋ كەرەك. بۇل قابىلداعىشتار تۇرمىستىق جەنە كومپيۋتەر تەحنيكاسى دٷكەندەرٸندە ساتىلادى», - دەيدٸ سقو تەلەراديو حابارلارىن تاراتۋ ديرەكتسيياسىنىڭ جەتەكشٸ ينجەنەرٸ دەۋرەن سامۇراتوۆ.
