Soltústik Qazaqstan oblysynyń Mamliýt aýdanynda brakonerler aqqý atyp ustaldy, dep habarlaidy "Ult aqparat".
Soltústik Qazaqstan oblysy politsiia departamenti baspasóz qyzmetiniń málimetinshe, Beskól ańshylyq sharýashylyǵynyń qoryqshysy Mamliýt aýdanynda sheteldik kóliktiń júksalǵyshynan aqqý tapty. Bul jaily ol birden politsiiaǵa habarlady.
Mamliýt aýdanynyń Ledenevo eldimekeniniń mańynda tabiǵatty qorǵaýshynyń kózine túspei ketýge tyrysqan «BMV» avtokóligi iligedi. Kúdik rastalyp, kóliktiń júksalǵyshynan basy kesilgen aqqý tabyldy.
«Oqiǵa ornyna kelgen Mamliýt aýdany politsiia bóliminiń qyzmetkerleri qustyń denesin saraptamaǵa aldy. Kólik júrgizýshisi men jolaýshy mán-jai anyqtalǵansha deiin politsiia bólimine jetkizildi. Zańsyz ań aýlaý faktisi boiynsha sotqa deiingi tergep-tekserý bastaldy», - deidi Mamliýt aýdanynyń politsiia bóliminiń bastyǵy Serik Áljanov.
SQO-da bul biyl aqqý aýlaýǵa qatysty tirkelgen ekinshi derek. Naýryz aiynda Petropavldaǵy «Romashka» saiajaiǵa jaqyn mańda eki suńqyldaq aqqýdyń denesi tabylǵan edi. Elimizde bul dala qusyn aýlaýǵa tyiym salynǵan.
