سولتٷستٸك قازاقستان وبلىسىنىڭ مامليۋت اۋدانىندا براكونەرلەر اققۋ اتىپ ۇستالدى, دەپ حابارلايدى "ۇلت اقپارات".
سولتٷستٸك قازاقستان وبلىسى پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, بەسكٶل اڭشىلىق شارۋاشىلىعىنىڭ قورىقشىسى مامليۋت اۋدانىندا شەتەلدٸك كٶلٸكتٸڭ جٷكسالعىشىنان اققۋ تاپتى. بۇل جايلى ول بٸردەن پوليتسيياعا حابارلادى.
مامليۋت اۋدانىنىڭ لەدەنەۆو ەلدٸمەكەنٸنٸڭ ماڭىندا تابيعاتتى قورعاۋشىنىڭ كٶزٸنە تٷسپەي كەتۋگە تىرىسقان «بمۆ» اۆتوكٶلٸگٸ ٸلٸگەدٸ. كٷدٸك راستالىپ, كٶلٸكتٸڭ جٷكسالعىشىنان باسى كەسٸلگەن اققۋ تابىلدى.
«وقيعا ورنىنا كەلگەن مامليۋت اۋدانى پوليتسييا بٶلٸمٸنٸڭ قىزمەتكەرلەرٸ قۇستىڭ دەنەسٸن ساراپتاماعا الدى. كٶلٸك جٷرگٸزۋشٸسٸ مەن جولاۋشى مەن-جاي انىقتالعانشا دەيٸن پوليتسييا بٶلٸمٸنە جەتكٸزٸلدٸ. زاڭسىز اڭ اۋلاۋ فاكتٸسٸ بويىنشا سوتقا دەيٸنگٸ تەرگەپ-تەكسەرۋ باستالدى», - دەيدٸ مامليۋت اۋدانىنىڭ پوليتسييا بٶلٸمٸنٸڭ باستىعى سەرٸك ەلجانوۆ.
سقو-دا بۇل بيىل اققۋ اۋلاۋعا قاتىستى تٸركەلگەن ەكٸنشٸ دەرەك. ناۋرىز ايىندا پەتروپاۆلداعى «روماشكا» ساياجايعا جاقىن ماڭدا ەكٸ سۇڭقىلداق اققۋدىڭ دەنەسٸ تابىلعان ەدٸ. ەلٸمٸزدە بۇل دالا قۇسىن اۋلاۋعا تىيىم سالىنعان.
