Premer-ministrdiń birinshi orynbasary Roman Skliar 4 protsenttik avtokredit baǵdarlamasyna qatysty pikir bildirdi, dep habarlaidy Sputnik Qazaqstan.
Búgin Úkimet otyrysynan keiin jýrnalister ótken aptada bastalǵan avtokredit baǵdarlamasyna qatysty máseleni kóterdi.
Tipti, ol bastama sátsizdikke ushyrady degen pikir bar.
"Men onymen úzildi-kesildi kelispeimin. Baǵdarlama sátsizdikke ushyraǵan joq. 10 myń kredit jáne 10 myń kólikti halyq báribir alady. Iá, bir kúnde emes, biraq qysqa ýaqyttyń ishinde bolady. Sondyqtan baǵdarlama sátsizdikke ushyrady dep aitpai-aq qoiaiyq", - dedi Skliar tishilerge bergen suhbatynda.
Osy oraida vitse-premer buǵan deiin aitqan sózin túsindirdi. Skliar baǵdarlama sharttaryn jariialaǵanda 100 milliard teńgege 71 myńnan astam adamdy kólikpen qamtamasyz etýge bolady degen.
"Osy aqshaǵa 10 myń adam avtokredit alady. Odan keiin olardyń ai saiyn jasaityn tólemderi esebinen basqa adamdarǵa da kredit beriledi. Osylaisha, bólingen qarjy revolverlik júiemen ainalady. Úsh aidan keiin qaita qarjylandyrý bastalady", - dep atap kórsetti Skliar.
