پرەمەر-مينيستردٸڭ بٸرٸنشٸ ورىنباسارى رومان سكليار 4 پروتسەنتتٸك اۆتوكرەديت باعدارلاماسىنا قاتىستى پٸكٸر بٸلدٸردٸ, دەپ حابارلايدى Sputnik قازاقستان.
بٷگٸن ٷكٸمەت وتىرىسىنان كەيٸن جۋرناليستەر ٶتكەن اپتادا باستالعان اۆتوكرەديت باعدارلاماسىنا قاتىستى مەسەلەنٸ كٶتەردٸ.
تٸپتٸ, ول باستاما سەتسٸزدٸككە ۇشىرادى دەگەن پٸكٸر بار.
"مەن ونىمەن ٷزٸلدٸ-كەسٸلدٸ كەلٸسپەيمٸن. باعدارلاما سەتسٸزدٸككە ۇشىراعان جوق. 10 مىڭ كرەديت جەنە 10 مىڭ كٶلٸكتٸ حالىق بەرٸبٸر الادى. يە, بٸر كٷندە ەمەس, بٸراق قىسقا ۋاقىتتىڭ ٸشٸندە بولادى. سوندىقتان باعدارلاما سەتسٸزدٸككە ۇشىرادى دەپ ايتپاي-اق قويايىق", - دەدٸ سكليار تٸشٸلەرگە بەرگەن سۇحباتىندا.
وسى ورايدا ۆيتسە-پرەمەر بۇعان دەيٸن ايتقان سٶزٸن تٷسٸندٸردٸ. سكليار باعدارلاما شارتتارىن جارييالاعاندا 100 ميلليارد تەڭگەگە 71 مىڭنان استام ادامدى كٶلٸكپەن قامتاماسىز ەتۋگە بولادى دەگەن.
"وسى اقشاعا 10 مىڭ ادام اۆتوكرەديت الادى. ودان كەيٸن ولاردىڭ اي سايىن جاسايتىن تٶلەمدەرٸ ەسەبٸنەن باسقا ادامدارعا دا كرەديت بەرٸلەدٸ. وسىلايشا, بٶلٸنگەن قارجى رەۆولۆەرلٸك جٷيەمەن اينالادى. ٷش ايدان كەيٸن قايتا قارجىلاندىرۋ باستالادى", - دەپ اتاپ كٶرسەتتٸ سكليار.
