Siriianyń batysyndaǵy Hama provintsiiasynda soǵystan 100 myń adam úilerin tastap ketýge májbúr boldy. Osylai dep BUU Qyzyl Krest pen jergilikti biliktiń aqparatyna súienip habarlady.
centralasian.org-tyń málimetinshe, Hamanyń soltústiginde kóterilisshiler islam-sodyrlaryna qarsy soǵysyp jatyr. Oppozitsiia kúshteri bolsa Halfaiia qalasyn basyp aldy.
Túrkiia AQSh-pen birge «Islam memleketi» terroristik uiymynyń sodyrlaryn Rakka qalasynan yǵystyrý úshin soǵysýǵa daiyn ekenin bildirgen. Osyndai ustanymyn Túrkiia prezidenti Rejep Taiyp Erdoǵan Qytaida ótken G20 sammiti kezinde aitty.
Seisenbi kúni eldiń prezidenti Bashar Asad rejiminiń aviatsiiasy Siriianyń Aleppo qalasyna hlor qosylǵan bomba tastaǵan. 70-tan astam beibit turǵyn qaitys boldy. Olardyń ishinde áielder, balalar bar. Dál osyndai málimetterdi Siriiadaǵy erikti qutqarýshylar berip otyr.
Damask bolsa, ýlanatyn gaz qoldanǵandaryn joqqa shyǵarady. Aleppo qazirgi ýaqytta ekige bólinip otyr: bir bóligin Asad rejimi bilese, ekinshi bóligin qarýly oppozitsiia baqylap otyr.
