سيرييانىڭ باتىسىنداعى حاما پروۆينتسيياسىندا سوعىستان 100 مىڭ ادام ٷيلەرٸن تاستاپ كەتۋگە مەجبٷر بولدى. وسىلاي دەپ بۇۇ قىزىل كرەست پەن جەرگٸلٸكتٸ بيلٸكتٸڭ اقپاراتىنا سٷيەنٸپ حابارلادى.
centralasian.org-تىڭ مەلٸمەتٸنشە, حامانىڭ سولتٷستٸگٸندە كٶتەرٸلٸسشٸلەر يسلام-سودىرلارىنا قارسى سوعىسىپ جاتىر. وپپوزيتسييا كٷشتەرٸ بولسا حالفاييا قالاسىن باسىپ الدى.
تٷركييا اقش-پەن بٸرگە «يسلام مەملەكەتٸ» تەرروريستٸك ۇيىمىنىڭ سودىرلارىن راككا قالاسىنان ىعىستىرۋ ٷشٸن سوعىسۋعا دايىن ەكەنٸن بٸلدٸرگەن. وسىنداي ۇستانىمىن تٷركييا پرەزيدەنتٸ رەجەپ تايىپ ەردوعان قىتايدا ٶتكەن G20 سامميتٸ كەزٸندە ايتتى.
سەيسەنبٸ كٷنٸ ەلدٸڭ پرەزيدەنتٸ باشار اساد رەجيمٸنٸڭ اۆياتسيياسى سيرييانىڭ الەپپو قالاسىنا حلور قوسىلعان بومبا تاستاعان. 70-تان استام بەيبٸت تۇرعىن قايتىس بولدى. ولاردىڭ ٸشٸندە ەيەلدەر, بالالار بار. دەل وسىنداي مەلٸمەتتەردٸ سيريياداعى ەرٸكتٸ قۇتقارۋشىلار بەرٸپ وتىر.
داماسك بولسا, ۋلاناتىن گاز قولدانعاندارىن جوققا شىعارادى. الەپپو قازٸرگٸ ۋاقىتتا ەكٸگە بٶلٸنٸپ وتىر: بٸر بٶلٸگٸن اساد رەجيمٸ بيلەسە, ەكٸنشٸ بٶلٸگٸن قارۋلى وپپوزيتسييا باقىلاپ وتىر.
