Taldyqorǵanda sintetikalyq esirtki taratýmen ainalysty degen kúdikpen erli-zaiypty ustaldy, dep habarlaidy ult.kz.
Polisia.kz jazýynsha, jedel-izdestirý sharalary barysynda Almaty qalasynyń 33 jastaǵy turǵyny men Almaty oblysynyń 43 jastaǵy turǵyny qolǵa túsken. Tergeý málimetinshe, olar messendjerlerdiń biri arqyly kýratordan nusqaý alyp, tyiym salynǵan zattardy jasyryn oryndarǵa qaldyryp otyrǵan.
Jeke tintý kezinde kúdiktilerden untaq tárizdi zat salynǵan oramalar men esirtkini ólshep-oraýǵa arnalǵan quraldar tárkilendi. Sondai-aq Taldyqorǵandaǵy ýaqytsha turyp jatqan mekenjailarynda júrgizilgen tintý barysynda qosymsha esirtki zattary men zańsyz qyzmetti aiǵaqtaityn qural-jabdyqtar tabyldy.
Tergeý nátijesinde zańsyz ainalymnan jalpy salmaǵy 260 gramm mefedron tárkilengen. Kúdiktiler ýaqytsha ustaý izoliatoryna qamalyp, sotqa deiingi tergeý amaldary jalǵasyp jatyr.
Politsiia esirtki quraldary men psihotroptyq zattardyń zańsyz ainalymyna qatysty qylmystar úshin Qazaqstan zańnamasynda qatań jaýapkershilik qarastyrylǵanyn eske saldy.
Aita keteiik, buǵan deiin Tarazda shetel azamatynyń asa iri kólemdegi sintetikalyq esirtkimen ustalǵany habarlanǵan bolatyn.
