تالدىقورعاندا سينتەتيكالىق ەسٸرتكٸ تاراتۋمەن اينالىستى دەگەن كٷدٸكپەن ەرلٸ-زايىپتى ۇستالدى, دەپ حابارلايدى ult.kz.
Polisia.kz جازۋىنشا, جەدەل-ٸزدەستٸرۋ شارالارى بارىسىندا الماتى قالاسىنىڭ 33 جاستاعى تۇرعىنى مەن الماتى وبلىسىنىڭ 43 جاستاعى تۇرعىنى قولعا تٷسكەن. تەرگەۋ مەلٸمەتٸنشە, ولار مەسسەندجەرلەردٸڭ بٸرٸ ارقىلى كۋراتوردان نۇسقاۋ الىپ, تىيىم سالىنعان زاتتاردى جاسىرىن ورىندارعا قالدىرىپ وتىرعان.
جەكە تٸنتۋ كەزٸندە كٷدٸكتٸلەردەن ۇنتاق تەرٸزدٸ زات سالىنعان ورامالار مەن ەسٸرتكٸنٸ ٶلشەپ-وراۋعا ارنالعان قۇرالدار تەركٸلەندٸ. سونداي-اق تالدىقورعانداعى ۋاقىتشا تۇرىپ جاتقان مەكەنجايلارىندا جٷرگٸزٸلگەن تٸنتۋ بارىسىندا قوسىمشا ەسٸرتكٸ زاتتارى مەن زاڭسىز قىزمەتتٸ ايعاقتايتىن قۇرال-جابدىقتار تابىلدى.
تەرگەۋ نەتيجەسٸندە زاڭسىز اينالىمنان جالپى سالماعى 260 گرامم مەفەدرون تەركٸلەنگەن. كٷدٸكتٸلەر ۋاقىتشا ۇستاۋ يزولياتورىنا قامالىپ, سوتقا دەيٸنگٸ تەرگەۋ امالدارى جالعاسىپ جاتىر.
پوليتسييا ەسٸرتكٸ قۇرالدارى مەن پسيحوتروپتىق زاتتاردىڭ زاڭسىز اينالىمىنا قاتىستى قىلمىستار ٷشٸن قازاقستان زاڭناماسىندا قاتاڭ جاۋاپكەرشٸلٸك قاراستىرىلعانىن ەسكە سالدى.
ايتا كەتەيٸك, بۇعان دەيٸن تارازدا شەتەل ازاماتىنىڭ اسا ٸرٸ كٶلەمدەگٸ سينتەتيكالىق ەسٸرتكٸمەن ۇستالعانى حابارلانعان بولاتىن.
