Qazaqstan Syrtqy ister ministrliginiń baspasóz qyzmeti Stambýl áýejaiyndaǵy ushaq apatynan eki qazaqstandyq zardap shekkenin habarlady.
"Qazaqstannyń Stambýldaǵy bas konsýldyǵy deregine sáikes, 5 aqpanda jergilikti ýaqyt boiynsha keshki saǵat 18:00-de Stambýl áýejaiynda bolǵan ushaq apatynan [ózge jolaýshylarmen qatar] Qazaqstannyń eki azamaty zardap shekti. Olar Fatih Sultan Mehmet emhanasyna jatqyzyldy" dep habarlady ministrliktiń baspasóz qyzmeti.
Bas konsýldyq jaǵdaidyń baqylaýda ekenin, eki azamatqa qajetti kómek berilip jatqanyn habarlady.
5 aqpanda Izmirden ushyp kelgen Pegasus áýe kompaniiasynyń Boeing 737-800 NG ushaǵy qonar kezde ushyp-qoný jolaǵynan shyǵyp ketip, birneshe bólikke bólingen. Apattan úsh adam qaza tapty, 179 adam zardap shekti. Barlyq zardap shekkender jergilikti aýrýhanaǵa jetkizilgen.
Ushaq apatyna qatty jel men jańbyr sebep boldy degen boljam aitylady.
