قازاقستان سىرتقى ٸستەر مينيسترلٸگٸنٸڭ باسپاسٶز قىزمەتٸ ستامبۋل ەۋەجايىنداعى ۇشاق اپاتىنان ەكٸ قازاقستاندىق زارداپ شەككەنٸن حابارلادى.
"قازاقستاننىڭ ستامبۋلداعى باس كونسۋلدىعى دەرەگٸنە سەيكەس, 5 اقپاندا جەرگٸلٸكتٸ ۋاقىت بويىنشا كەشكٸ ساعات 18:00-دە ستامبۋل ەۋەجايىندا بولعان ۇشاق اپاتىنان [ٶزگە جولاۋشىلارمەن قاتار] قازاقستاننىڭ ەكٸ ازاماتى زارداپ شەكتٸ. ولار فاتيح سۇلتان مەحمەت ەمحاناسىنا جاتقىزىلدى" دەپ حابارلادى مينيسترلٸكتٸڭ باسپاسٶز قىزمەتٸ.
باس كونسۋلدىق جاعدايدىڭ باقىلاۋدا ەكەنٸن, ەكٸ ازاماتقا قاجەتتٸ كٶمەك بەرٸلٸپ جاتقانىن حابارلادى.
5 اقپاندا يزميردەن ۇشىپ كەلگەن Pegasus ەۋە كومپانيياسىنىڭ Boeing 737-800 NG ۇشاعى قونار كەزدە ۇشىپ-قونۋ جولاعىنان شىعىپ كەتٸپ, بٸرنەشە بٶلٸككە بٶلٸنگەن. اپاتتان ٷش ادام قازا تاپتى, 179 ادام زارداپ شەكتٸ. بارلىق زارداپ شەككەندەر جەرگٸلٸكتٸ اۋرۋحاناعا جەتكٸزٸلگەن.
ۇشاق اپاتىنا قاتتى جەل مەن جاڭبىر سەبەپ بولدى دەگەن بولجام ايتىلادى.
