Foto: Sputnik/Ertai Sarbasov
Qazaqstannyń Bas prokýrory Berik Asylov muǵalimniń biikten qulap jaraqat alýyna qatysty depýtattardyń saýalyna jaýap berdi, dep habarlaidy Ult.kz.
21 jeltoqsanda Semei qalasynda alańdaǵy shyrshany bezendirý jumystaryna muǵalimder tartylyp, sol kezde tótenshe jaǵdai oryn alǵan. Muǵalim Qýat Aitqaliev shyrshany bezendirý kezinde biikten qulap, aýyr jaraqat aldy. Oqiǵadan keiin ol aýrýhanaǵa jetkizilgen.
Bul jaǵdai qoǵamda úlken rezonans týdyryp, ashynǵan jurtshylyq pen depýtattar jergilikti bilikten túsinikteme talap etti.
Bas prokýrordyń aitýynsha, 22 jeltoqsannan bastap qalalyq politsiia basqarmasy Qylmystyq kodekstiń 632-babynyń 4-bóligi boiynsha («Aýyr zardaptarǵa ákep soqqan bilikti nemese laýazymdyq ókilettikterdi asyra paidalaný») sotqa deiingi tergeý amaldaryn júrgizýde. Prokýratýra bul isti erekshe baqylaýǵa alǵan.
"Tergeý barysynda muǵalimderdi kásibi mindetterimen bailanysy joq jumystarǵa tartýǵa jol bergen qala ákiminiń orynbasary A.Hamzaev kúdikti retinde anyqtaldy", - dedi Asylov.
Buǵan deiin eńbek inspektsiiasy jumys berýshiniń kinásin tolyqtai dáleldegen. Osy oqiǵaǵa bailanysty Semei qalalyq bilim bóliminiń basshysy qyzmetinen bosatyldy. Qazir tergeý jalǵasyp jatyr, al qala ákiminiń orynbasary tergeý aiasynda kúdikke ilindi.
