فوتو: Sputnik/ەرتاي سارباسوۆ
قازاقستاننىڭ باس پروكۋرورى بەرٸك اسىلوۆ مۇعالٸمنٸڭ بيٸكتەن قۇلاپ جاراقات الۋىنا قاتىستى دەپۋتاتتاردىڭ ساۋالىنا جاۋاپ بەردٸ, دەپ حابارلايدى Ult.kz.
21 جەلتوقساندا سەمەي قالاسىندا الاڭداعى شىرشانى بەزەندٸرۋ جۇمىستارىنا مۇعالٸمدەر تارتىلىپ, سول كەزدە تٶتەنشە جاعداي ورىن العان. مۇعالٸم قۋات ايتقاليەۆ شىرشانى بەزەندٸرۋ كەزٸندە بيٸكتەن قۇلاپ, اۋىر جاراقات الدى. وقيعادان كەيٸن ول اۋرۋحاناعا جەتكٸزٸلگەن.
بۇل جاعداي قوعامدا ٷلكەن رەزونانس تۋدىرىپ, اشىنعان جۇرتشىلىق پەن دەپۋتاتتار جەرگٸلٸكتٸ بيلٸكتەن تٷسٸنٸكتەمە تالاپ ەتتٸ.
باس پروكۋروردىڭ ايتۋىنشا, 22 جەلتوقساننان باستاپ قالالىق پوليتسييا باسقارماسى قىلمىستىق كودەكستٸڭ 632-بابىنىڭ 4-بٶلٸگٸ بويىنشا («اۋىر زارداپتارعا ەكەپ سوققان بيلٸكتٸ نەمەسە لاۋازىمدىق ٶكٸلەتتٸكتەردٸ اسىرا پايدالانۋ») سوتقا دەيٸنگٸ تەرگەۋ امالدارىن جٷرگٸزۋدە. پروكۋراتۋرا بۇل ٸستٸ ەرەكشە باقىلاۋعا العان.
"تەرگەۋ بارىسىندا مۇعالٸمدەردٸ كەسٸبي مٸندەتتەرٸمەن بايلانىسى جوق جۇمىستارعا تارتۋعا جول بەرگەن قالا ەكٸمٸنٸڭ ورىنباسارى ا.حامزاەۆ كٷدٸكتٸ رەتٸندە انىقتالدى", - دەدٸ اسىلوۆ.
بۇعان دەيٸن ەڭبەك ينسپەكتسيياسى جۇمىس بەرۋشٸنٸڭ كٸنەسٸن تولىقتاي دەلەلدەگەن. وسى وقيعاعا بايلانىستى سەمەي قالالىق بٸلٸم بٶلٸمٸنٸڭ باسشىسى قىزمەتٸنەن بوساتىلدى. قازٸر تەرگەۋ جالعاسىپ جاتىر, ال قالا ەكٸمٸنٸڭ ورىنباسارى تەرگەۋ اياسىندا كٷدٸككە ٸلٸندٸ.
