Shymkentte júrgizýshi jarty jyldyń ishinde jol erejesin 178 ret buzǵan. Bul týraly Ortalyq kommýnikatsiialar qyzmetinde ótken brifingide QR Ishki ister ministrligi Ákimshilik politsiia komitetiniń tóraǵasy Atyǵai Arystanov aitty, dep habarlaidy QazAqparat.
«Byltyr Shymkent qalasy boiynsha 1000-nan astam kamera ornatyldy. Bir jyldyń ishinde jol qozǵalysy erejesin buzý faktileriniń 70 paiyzyn osy kameralar tirkedi. Shymkenttik júrgizýshilerge salynǵan aiyppuldar mólsheri 2,2 mlrd teńge boldy. Mysaly, jarty jyldyń ishinde 178 ret jol qozǵalysy erejesin buzǵan júrgizýshi anyqtaldy. Onyń aiyppuldarynyń jalpy somasy 4,5 mln teńge bolǵan», - dedi Atyǵai Arystanov.
Ol atalǵan óńirdiń júrgizýshilerin joldarda abaibolýǵa shaqyrdy. Komitet tóraǵasynyń aitýynsha, tsifrlyq tehnologiialardyń kómegimen jol ereesiniń saqtalýyna úles qosyp júrgen qarapaiym azamattardyń qatary artyp keledi.
«Mysaly, «102» mobildik qosymshasyn iske qostyq. Bul qosymsha arqyly azamattar aýdio- nemese beine qońyraý shalý arqyly ishki ister organdaryna júgine alady, ýákiletti organǵa ákimshilik quqyq buzý faktilerin dáleldeitin fotolar men beinematerialdar joldaýǵa bolady», - dedi IIM ókili.
Osy sharada Atyǵai Arystanov jyl basynan beri 2600 jol-kólik oqiǵasy bolyp, 410 adam kóz jumǵanyn málim etti.
