شىمكەنتتە جٷرگٸزۋشٸ جارتى جىلدىڭ ٸشٸندە جول ەرەجەسٸن 178 رەت بۇزعان. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە قر ٸشكٸ ٸستەر مينيسترلٸگٸ ەكٸمشٸلٸك پوليتسييا كوميتەتٸنٸڭ تٶراعاسى اتىعاي ارىستانوۆ ايتتى, دەپ حابارلايدى قازاقپارات.
«بىلتىر شىمكەنت قالاسى بويىنشا 1000-نان استام كامەرا ورناتىلدى. بٸر جىلدىڭ ٸشٸندە جول قوزعالىسى ەرەجەسٸن بۇزۋ فاكتٸلەرٸنٸڭ 70 پايىزىن وسى كامەرالار تٸركەدٸ. شىمكەنتتٸك جٷرگٸزۋشٸلەرگە سالىنعان ايىپپۇلدار مٶلشەرٸ 2,2 ملرد تەڭگە بولدى. مىسالى, جارتى جىلدىڭ ٸشٸندە 178 رەت جول قوزعالىسى ەرەجەسٸن بۇزعان جٷرگٸزۋشٸ انىقتالدى. ونىڭ ايىپپۇلدارىنىڭ جالپى سوماسى 4,5 ملن تەڭگە بولعان», - دەدٸ اتىعاي ارىستانوۆ.
ول اتالعان ٶڭٸردٸڭ جٷرگٸزۋشٸلەرٸن جولداردا ابايبولۋعا شاقىردى. كوميتەت تٶراعاسىنىڭ ايتۋىنشا, تسيفرلىق تەحنولوگييالاردىڭ كٶمەگٸمەن جول ەرەەسٸنٸڭ ساقتالۋىنا ٷلەس قوسىپ جٷرگەن قاراپايىم ازاماتتاردىڭ قاتارى ارتىپ كەلەدٸ.
«مىسالى, «102» موبيلدٸك قوسىمشاسىن ٸسكە قوستىق. بۇل قوسىمشا ارقىلى ازاماتتار اۋديو- نەمەسە بەينە قوڭىراۋ شالۋ ارقىلى ٸشكٸ ٸستەر ورگاندارىنا جٷگٸنە الادى, ۋەكٸلەتتٸ ورگانعا ەكٸمشٸلٸك قۇقىق بۇزۋ فاكتٸلەرٸن دەلەلدەيتٸن فوتولار مەن بەينەماتەريالدار جولداۋعا بولادى», - دەدٸ ٸٸم ٶكٸلٸ.
وسى شارادا اتىعاي ارىستانوۆ جىل باسىنان بەرٸ 2600 جول-كٶلٸك وقيعاسى بولىپ, 410 ادام كٶز جۇمعانىن مەلٸم ەتتٸ.
