Shymkent qalasynda ótken táýlikte koronavirýs infektsiiasyna qarsy 2673 adam vaktsina saldyrdy. Turǵyndardyń 1012-si vaktsinanyyń I komponentin qabyldasa, II komponent 1661 adamǵa egilgen, dep habarlaidy "Ult aqparat".
Qalalyq densaýlyq saqtaý basqarmasynyń málimetinshe, barlyǵy 345 167 adam vaktsinalanǵan. Onyń ishinde 219 325-i vaktsinanyń eki komponentin qabyldaǵan. Al, 20 shilde kúngi málimet boiynsha megapoliste KVI-diń 412 jaǵdaiy tirkelgen. 204 naýqas infektsiialyq statsionarǵa jatqyzylyp, 208 adam úi baqylaýyna alynǵan.
Qazirgi tańda mamandandyrylǵan infektsiialyq statsionarlarda barlyǵy 2946 oryn bar bolsa, tósek-oryn tolymdyǵy - 66 paiyzdy quraidy. Sonymen qatar, 20 shilde kúni 784 nysanǵa tekserý jumystary júrgizilip, onyń ishinde 11 nysanda karantin rejiminiń talaptary buzylǵandyǵy anyqtalǵan. Ákimshilik hattamalar toltyrylǵan. Qazir qaladaǵy epidemiologiialyq ahýal áli de kúrdeli jaǵdaida qalyp otyr.
