Almatydaǵy Respýblikalyq fizika-matematika mektebiniń 48 oqýshysy jiti ishek infektsiiasy belgilerimen aýrýhanaǵa jatqyzyldy. Taǵy alty bala internatta oqshaýlanyp, dárigerlerdiń baqylaýynda, dep habarlaidy ult.kz.
Qalalyq Qoǵamdyq densaýlyq saqtaý basqarmasynyń málimetinshe, balalar 12-14 qazan aralyǵynda aýrýhanaǵa túsken. Qazir olardyń jaǵdaiy turaqty, reanimatsiialyq kómek qajet bolǵan joq. Barlyq oqýshyǵa qajetti meditsinalyq kómek kórsetilip jatyr.
Oqiǵadan keiin mekteptiń, internattyń jáne ashananyń jumysy ýaqytsha toqtatyldy. Mamandar tekserý júrgizip, zerthanalyq taldaýǵa synamalar aldy.
