Almatyda kólik turaǵyna talasqan kórshiler arasyndaǵy janjal qaiǵyly jaǵdaiǵa ulasty. Moinynan pyshaq jaraqatyn alǵan 37 jastaǵy Danil Shetnikov aýrýhanada kóz jumdy. Kúdikti ustalyp, qamaýǵa alyndy, dep habarlaidy ult.kz.
KTK arnasynyń málimetinshe, oqiǵa 4 qazanda bolǵan. Týystarynyń aitýynsha, úiine oralǵan Danil turaqta turǵan bóten kólikti kórip, kórshisinen ony basqa jerge qoiýdy suraǵan. Arada janjal týyndap, keiin kómekke kelgen er adamnyń biri oǵan pyshaq suqqan.
Marqumnyń jarynyń sózinshe, er adam moinynan jaraqat alyp, úiine qarai júgirip, jedel járdem shaqyrýdy suraǵan. Dárigerlerdiń kómegine qaramastan, ol bir aptadan keiin qaitys boldy. Marqumnyń artynda segiz jasar uly men dúniege kelýi jaqyndaǵan qyzy qaldy.
Politsiia 37 jastaǵy kúdiktini ustap, ýaqytsha ustaý izoliatoryna qamady. Atalǵan derek boiynsha qylmystyq is qozǵalǵan.
Marqumnyń týystary tergeýdiń ádil júrgizilýin talap etip, isti «Adam óltirý» babyna qaita saralaýdy surap otyr.
