Dodo Pizza kompaniiasynyń júiesinen 3,7 terabait derek urlady degen kúdikke ilingen halyqaralyq hakerlik toptyń úsh múshesi ustaldy. Olardyń arasynda Qazaqstan azamaty da bar. Bul týraly «Baza» Telegram-arnasyna silteme jasaǵan ult.kz habarlaidy.
Arnanyń málimetinshe, kúdiktilerdiń izine olardyń biri jibergen qatelik arqyly túsken. Reseidiń Barnaýl qalasynan shyqqan 19 jastaǵy D. Fridman urlanǵan derekter bazasyna kirý kezinde qatelik jibergen.
Tergeý derekterine sáikes, hakerler kompaniianyń GitHub platformasynda ashyq jariialanǵan eski tirkelgi derekterin paidalanǵan. Osy arqyly korporativtik júielerge enip, jabyq bulttyq qoimalarǵa, derekter bazalaryna jáne qyzmettik qupiiasózderge qol jetkizgen.
Urlanǵan derekterdiń kólemi 3,7 terabaitqa jetýi múmkin. Sarapshylardyń baǵalaýynsha, bul shamamen 33 milliard jazbany qamtidy. Olardyń arasynda:
- 15 jyl ishindegi 862 million tapsyrys týraly málimet;
- 68 million klienttiń profili;
- kompaniianyń 431 myń qyzmetkerine qatysty aqparat;
- jetkizý mekenjailary jazylǵan 171 million jazba bar.
«Baza» arnasynyń habarlaýynsha, kúdiktiler Resei, Qazaqstan jáne Belarýs azamattary bolǵan. Qazir tórt kúdiktiniń úsheýi ustalǵan, tergeý jalǵasyp jatyr.
Eskertý: derekterdiń urlaný kólemi men kúdiktilerge qatysty málimetter atalǵan Telegram-arnanyń aqparatyna negizdelgen.
