شىمكەنت قالاسىندا ٶتكەن تەۋلٸكتە كوروناۆيرۋس ينفەكتسيياسىنا قارسى 2673 ادام ۆاكتسينا سالدىردى. تۇرعىنداردىڭ 1012-سٸ ۆاكتسينانىىڭ I كومپونەنتٸن قابىلداسا, II كومپونەنت 1661 ادامعا ەگٸلگەن, دەپ حابارلايدى "ۇلت اقپارات".
قالالىق دەنساۋلىق ساقتاۋ باسقارماسىنىڭ مەلٸمەتٸنشە, بارلىعى 345 167 ادام ۆاكتسينالانعان. ونىڭ ٸشٸندە 219 325-ٸ ۆاكتسينانىڭ ەكٸ كومپونەنتٸن قابىلداعان. ال, 20 شٸلدە كٷنگٸ مەلٸمەت بويىنشا مەگاپوليستە كۆي-دٸڭ 412 جاعدايى تٸركەلگەن. 204 ناۋقاس ينفەكتسييالىق ستاتسيونارعا جاتقىزىلىپ, 208 ادام ٷي باقىلاۋىنا الىنعان.
قازٸرگٸ تاڭدا مامانداندىرىلعان ينفەكتسييالىق ستاتسيونارلاردا بارلىعى 2946 ورىن بار بولسا, تٶسەك-ورىن تولىمدىعى - 66 پايىزدى قۇرايدى. سونىمەن قاتار, 20 شٸلدە كٷنٸ 784 نىسانعا تەكسەرۋ جۇمىستارى جٷرگٸزٸلٸپ, ونىڭ ٸشٸندە 11 نىساندا كارانتين رەجيمٸنٸڭ تالاپتارى بۇزىلعاندىعى انىقتالعان. ەكٸمشٸلٸك حاتتامالار تولتىرىلعان. قازٸر قالاداعى ەپيدەميولوگييالىق احۋال ەلٸ دە كٷردەلٸ جاعدايدا قالىپ وتىر.
