Búgin Shymkent qalasynyń ákimi Murat Áitenov COVID-19 yqtimal jańa tolqynyna daiyndyq retinde ókpeni jasandy jeldetý (ÓJJ) apparattaryn shyǵarýdy bastaǵan «Kazmedpribor» JShS-da boldy, dep habarlaidy qalalyq ákimdiktiń baspasóz qyzmeti.
«Qazmedpribor» búginnen bastap ÓJJ apparattaryn shyǵarýdy bastady. Kásiporyn táýligine 20-25 qurylǵy shyǵarýǵa qaýqarly», – dep atap ótti qala ákimi.
Qala ákimdigi aýrýhanalarǵa alǵashqy 88 ÓJJ apparatyn jetkizýge tapsyrys bergen bolatyn. Kásiporynnan monitorlar, dispenserler, impýlstik oksimetrler, analizatorlar – barlyǵy 32 meditsinalyq qural-jabdyqtar túrin satyp alady.
Qala ákimi shilde aiynda atalǵan kásiporyn basshylarymen kezdesýde otandyq ÓJJ apparatyn shyǵarýdy bastaitynyn aitqan edi. Úsh ai boiy osy baǵytta jumystar atqaryldy.
«Ózderińiz bilesizder, koronavirýs aýrýy qatty órshigen kezde qalaǵa jeldetkish apparattary qajet boldy. Biz Kazmedpribor kompaniiasymen osyndai qurylǵylardy shyǵarý múmkindigin talqyladyq, nátijesi mine. Ónimder sertifikattaýdan ótti, kásiporyn jeldetkishter shyǵarýdy bastady. Aptanyń aiaǵyna deiin alǵashqy 88 ÓJJ apparaty jergilikti aýrýhanalarǵa jetkiziledi. Jaqyn arada aýrýhanalar men emhanalar Shymkentte shyǵarylǵan jabdyqtarmen qamtamasyz etiledi», – dedi qala ákimi.
Murat Dúisenbekulynyń aitýynsha, Shymkentte epidemiologiialyq jaǵdai turaqty. Infektsiia oshaqtary jáne bailanysta bolǵan adamdar ambýlatorlyq baqylaýǵa alynady. Sondai-aq, biyl qalanyń meditsinalyq mekemelerin materialdyq-tehnikalyq jabdyqtaýǵa 6,6 mlrd teńge qarastyrylǵanyn aitty. Ótken jylmen salystyrǵanda bul qarjy alty ese kóp.
Kazmedpribor – koronavirýspen kúresý úshin qajetti meditsinalyq tehnika shyǵaratyn birden-bir kásiporyn. Kásiporyn 50 myń dana meditsinalyq jabdyq, 150 myń dana meditsinalyq jihaz, 1000 avtomobil óndirýge qaýqarly.
Aita ketsek, atalǵan kásiporyn Germaniia, Japoniia, Koreia kompaniialarymen birlesip, 300-den astam meditsinalyq buiymdar shyǵarady. Ónimniń negizgi túrleri: meditsinalyq mashinalar; patsientterge arnalǵan monitorlar; EKG apparaty; fýnktsionaldy kereýetter jáne ózge de jabdyqtar.
