بٷگٸن شىمكەنت قالاسىنىڭ ەكٸمٸ مۇرات ەيتەنوۆ COVID-19 ىقتيمال جاڭا تولقىنىنا دايىندىق رەتٸندە ٶكپەنٸ جاساندى جەلدەتۋ (ٶجج) اپپاراتتارىن شىعارۋدى باستاعان «Kazmedpribor» جشس-دا بولدى, دەپ حابارلايدى قالالىق ەكٸمدٸكتٸڭ باسپاسٶز قىزمەتٸ.
«قازمەدپريبور» بٷگٸننەن باستاپ ٶجج اپپاراتتارىن شىعارۋدى باستادى. كەسٸپورىن تەۋلٸگٸنە 20-25 قۇرىلعى شىعارۋعا قاۋقارلى», – دەپ اتاپ ٶتتٸ قالا ەكٸمٸ.
قالا ەكٸمدٸگٸ اۋرۋحانالارعا العاشقى 88 ٶجج اپپاراتىن جەتكٸزۋگە تاپسىرىس بەرگەن بولاتىن. كەسٸپورىننان مونيتورلار, ديسپەنسەرلەر, يمپۋلستٸك وكسيمەترلەر, اناليزاتورلار – بارلىعى 32 مەديتسينالىق قۇرال-جابدىقتار تٷرٸن ساتىپ الادى.
قالا ەكٸمٸ شٸلدە ايىندا اتالعان كەسٸپورىن باسشىلارىمەن كەزدەسۋدە وتاندىق ٶجج اپپاراتىن شىعارۋدى باستايتىنىن ايتقان ەدٸ. ٷش اي بويى وسى باعىتتا جۇمىستار اتقارىلدى.
«ٶزدەرٸڭٸز بٸلەسٸزدەر, كوروناۆيرۋس اۋرۋى قاتتى ٶرشٸگەن كەزدە قالاعا جەلدەتكٸش اپپاراتتارى قاجەت بولدى. بٸز Kazmedpribor كومپانيياسىمەن وسىنداي قۇرىلعىلاردى شىعارۋ مٷمكٸندٸگٸن تالقىلادىق, نەتيجەسٸ مٸنە. ٶنٸمدەر سەرتيفيكاتتاۋدان ٶتتٸ, كەسٸپورىن جەلدەتكٸشتەر شىعارۋدى باستادى. اپتانىڭ اياعىنا دەيٸن العاشقى 88 ٶجج اپپاراتى جەرگٸلٸكتٸ اۋرۋحانالارعا جەتكٸزٸلەدٸ. جاقىن ارادا اۋرۋحانالار مەن ەمحانالار شىمكەنتتە شىعارىلعان جابدىقتارمەن قامتاماسىز ەتٸلەدٸ», – دەدٸ قالا ەكٸمٸ.
مۇرات دٷيسەنبەكۇلىنىڭ ايتۋىنشا, شىمكەنتتە ەپيدەميولوگييالىق جاعداي تۇراقتى. ينفەكتسييا وشاقتارى جەنە بايلانىستا بولعان ادامدار امبۋلاتورلىق باقىلاۋعا الىنادى. سونداي-اق, بيىل قالانىڭ مەديتسينالىق مەكەمەلەرٸن ماتەريالدىق-تەحنيكالىق جابدىقتاۋعا 6,6 ملرد تەڭگە قاراستىرىلعانىن ايتتى. ٶتكەن جىلمەن سالىستىرعاندا بۇل قارجى التى ەسە كٶپ.
Kazmedpribor – كوروناۆيرۋسپەن كٷرەسۋ ٷشٸن قاجەتتٸ مەديتسينالىق تەحنيكا شىعاراتىن بٸردەن-بٸر كەسٸپورىن. كەسٸپورىن 50 مىڭ دانا مەديتسينالىق جابدىق, 150 مىڭ دانا مەديتسينالىق جيھاز, 1000 اۆتوموبيل ٶندٸرۋگە قاۋقارلى.
ايتا كەتسەك, اتالعان كەسٸپورىن گەرمانييا, جاپونييا, كورەيا كومپانييالارىمەن بٸرلەسٸپ, 300-دەن استام مەديتسينالىق بۇيىمدار شىعارادى. ٶنٸمنٸڭ نەگٸزگٸ تٷرلەرٸ: مەديتسينالىق ماشينالار; پاتسيەنتتەرگە ارنالعان مونيتورلار; ەكگ اپپاراتى; فۋنكتسيونالدى كەرەۋەتتەر جەنە ٶزگە دە جابدىقتار.
