Shymkentte óz úiinde qaitys bolǵan turǵynnyń máiitin ashyqqan iti jei bastaǵan. Bul týraly qalalyq Politsiia departamentinen málim etti, dep habarlaidy "Ult aqparat".
«Biylǵy 5 mamyrda, saǵat 12:50 shamasynda Shymkent qalalyq Politsiia departamenti Qarataý aýdandyq politsiia basqarmasyna jergilikti turǵynnan aýdanda ornalasqan úilerdiń biriniń aýlasynan er adamnyń máiiti tabylǵany týraly habarlama kelip tústi.
Oqiǵa ornynda jedel-tergeý toby muqiiat tekserý júrgizdi. Kóz jumǵan er adamnyń jeke basy anyqtaldy. Ol 1958 jyly týǵan jergilikti turǵyn bolyp shyqty. Er adam úiinde jalǵyz ózi itimen turǵan.
Aldyn ala boljam boiynsha, er adam qaitys bolǵannan birneshe kún ótken soń, ashyǵyp qalǵan it iesiniń máiitin jei bastaǵan», - dedi PD-dan.
Sotqa deiingi tergep-tekserý aiasynda er adamnyń ólim sebebin anyqtaýǵa baǵyttalǵan birqatar saraptama taǵaiyndaldy
«Tekserý nátijeleri boiynsha protsessýaldyq sheshim qabyldanatyn bolady», - dep naqtylady politsiiadan.
