شىمكەنتتە ٶز ٷيٸندە قايتىس بولعان تۇرعىننىڭ مەيٸتٸن اشىققان يتٸ جەي باستاعان. بۇل تۋرالى قالالىق پوليتسييا دەپارتامەنتٸنەن مەلٸم ەتتٸ, دەپ حابارلايدى "ۇلت اقپارات".
«بيىلعى 5 مامىردا, ساعات 12:50 شاماسىندا شىمكەنت قالالىق پوليتسييا دەپارتامەنتٸ قاراتاۋ اۋداندىق پوليتسييا باسقارماسىنا جەرگٸلٸكتٸ تۇرعىننان اۋداندا ورنالاسقان ٷيلەردٸڭ بٸرٸنٸڭ اۋلاسىنان ەر ادامنىڭ مەيٸتٸ تابىلعانى تۋرالى حابارلاما كەلٸپ تٷستٸ.
وقيعا ورنىندا جەدەل-تەرگەۋ توبى مۇقييات تەكسەرۋ جٷرگٸزدٸ. كٶز جۇمعان ەر ادامنىڭ جەكە باسى انىقتالدى. ول 1958 جىلى تۋعان جەرگٸلٸكتٸ تۇرعىن بولىپ شىقتى. ەر ادام ٷيٸندە جالعىز ٶزٸ يتٸمەن تۇرعان.
الدىن الا بولجام بويىنشا, ەر ادام قايتىس بولعاننان بٸرنەشە كٷن ٶتكەن سوڭ, اشىعىپ قالعان يت يەسٸنٸڭ مەيٸتٸن جەي باستاعان», - دەدٸ پد-دان.
سوتقا دەيٸنگٸ تەرگەپ-تەكسەرۋ اياسىندا ەر ادامنىڭ ٶلٸم سەبەبٸن انىقتاۋعا باعىتتالعان بٸرقاتار ساراپتاما تاعايىندالدى
«تەكسەرۋ نەتيجەلەرٸ بويىنشا پروتسەسسۋالدىق شەشٸم قابىلداناتىن بولادى», - دەپ ناقتىلادى پوليتسييادان.
