Shymkenttegi «Túrkistan» saraiynda túrki áleminiń Yntymaqtastyq kúnine arnalǵan saltanatty is-shara ótýde. «Túrkistan-Túrki áleminiń mádeni astanasy» jyly aiasynda uiymdastyrylǵan shara túrkitildes ulttar arasyndaǵy baýyrlastyq bailanystar men dostyqty, túrkilik mádeniet pen ónerdi urpaqtan urpaqqa jetkizý men dáripteý maqsatynda ótkizilip otyr, dep habarlaidy QazAqparat tilshisi.
Jiynda Qyrǵyzstan Respýblikasynyń «Aqaq» komýzshylar ansambli men Resei Federatsiiasy, Tyva Respýblikasynyń halyq artisi Ondar Mongýn Ool jáne Túrkiia Respýblikasy, Býrsa qalasy Meriniń ulttyq orkestriniń ónerpazdary Djengiz Býtýn jáne Hasan Kýrtýlýsh Geziýtok óner kórsetýde. Sondai-aq zalǵa jinalǵan kópshilik Mońǵoliia eliniń ónerpazy Ýranchimeg Odontýngalagtyń, Ózbekstan Respýblikasynyń dýtar aspabynyń saz oryndaý dástúrin jalǵastyrýshy «Abbos» ansambli men Ázerbaijan Respýblikasy «Mýgam» triosyn tamashalap otyr.
Budan bólek, Tatarstan Respýblikasy Aidar Valeev, Saha-Iakýtiia Respýblikasy Homýs aspabynda oryndaýshy, ánshi jáne álemge tanymal shań qobyzshylardyń biri Iýliiana Krivoshapkina, Bashqurtstan Respýblikasynan «Beshbarmaq» toby jáne Ońtústik Qazaqstan oblysynyń ónerpazdary kelip, atalǵan 10 memlekettiń kórkemóner ujymdary men ánshileri óz ónerlerin ortaǵa salýda.
Aita keteiik, túrkitildes memleketterdiń Yntymaqtastyq keńesi ekonomikalyq jáne mádeni-gýmanitarlyq saladaǵy yntymaqtastyqty nyǵaitý ideiasymen 2009 jylǵy 3 qazan kúni Nahichevani qalasynda 4 memlekettiń qol qoiýymen qurylǵan bolatyn.
Yntymaqtastyq basqosýyna Ázerbaijan, Túrkiia, Ózbekstan, Qyrǵyzstan, Mońǵoliia memleketteri men Resei Federatsiiasynyń Tatarstan, Bashqurtstan, Saha, Tyva Respýblikalarynan arnaiy delegatsiialar kelip, dostyq ónerin tamashalap keledi. Sonymen qatar, túrkitildes memleketterden kelgen kórkemóner ujymdary men ánshiler Túrkistan qalasyndaǵy Qoja Ahmet Iasaýi atyndaǵy Halyqaralyq qazaq-túrik ýniversitetiniń Mádeniet ortalyǵynda Túrki áleminiń Yntymaqtastyq kúnine arnalǵan merekelik kontsert qoiǵan bolatyn.
