شىمكەنتتەگٸ «تٷركٸستان» سارايىندا تٷركٸ ەلەمٸنٸڭ ىنتىماقتاستىق كٷنٸنە ارنالعان سالتاناتتى ٸس-شارا ٶتۋدە. «تٷركٸستان-تٷركٸ ەلەمٸنٸڭ مەدەني استاناسى» جىلى اياسىندا ۇيىمداستىرىلعان شارا تٷركٸتٸلدەس ۇلتتار اراسىنداعى باۋىرلاستىق بايلانىستار مەن دوستىقتى, تٷركٸلٸك مەدەنيەت پەن ٶنەردٸ ۇرپاقتان ۇرپاققا جەتكٸزۋ مەن دەرٸپتەۋ ماقساتىندا ٶتكٸزٸلٸپ وتىر, دەپ حابارلايدى قازاقپارات تٸلشٸسٸ.
جيىندا قىرعىزستان رەسپۋبليكاسىنىڭ «اقاق» كومۋزشىلار انسامبلٸ مەن رەسەي فەدەراتسيياسى, تىۆا رەسپۋبليكاسىنىڭ حالىق ارتيسٸ وندار مونگۋن وول جەنە تٷركييا رەسپۋبليكاسى, بۋرسا قالاسى مەرٸنٸڭ ۇلتتىق وركەسترٸنٸڭ ٶنەرپازدارى دجەنگيز بۋتۋن جەنە حاسان كۋرتۋلۋش گەزيۋتوك ٶنەر كٶرسەتۋدە. سونداي-اق زالعا جينالعان كٶپشٸلٸك موڭعولييا ەلٸنٸڭ ٶنەرپازى ۋرانچيمەگ ودونتۋنگالاگتىڭ, ٶزبەكستان رەسپۋبليكاسىنىڭ دۋتار اسپابىنىڭ ساز ورىنداۋ دەستٷرٸن جالعاستىرۋشى «اببوس» انسامبلٸ مەن ەزەربايجان رەسپۋبليكاسى «مۋگام» تريوسىن تاماشالاپ وتىر.
بۇدان بٶلەك, تاتارستان رەسپۋبليكاسى ايدار ۆالەەۆ, ساحا-ياكۋتييا رەسپۋبليكاسى حومۋس اسپابىندا ورىنداۋشى, ەنشٸ جەنە ەلەمگە تانىمال شاڭ قوبىزشىلاردىڭ بٸرٸ يۋلييانا كريۆوشاپكينا, باشقۇرتستان رەسپۋبليكاسىنان «بەشبارماق» توبى جەنە وڭتٷستٸك قازاقستان وبلىسىنىڭ ٶنەرپازدارى كەلٸپ, اتالعان 10 مەملەكەتتٸڭ كٶركەمٶنەر ۇجىمدارى مەن ەنشٸلەرٸ ٶز ٶنەرلەرٸن ورتاعا سالۋدا.
ايتا كەتەيٸك, تٷركٸتٸلدەس مەملەكەتتەردٸڭ ىنتىماقتاستىق كەڭەسٸ ەكونوميكالىق جەنە مەدەني-گۋمانيتارلىق سالاداعى ىنتىماقتاستىقتى نىعايتۋ يدەياسىمەن 2009 جىلعى 3 قازان كٷنٸ ناحيچەۆاني قالاسىندا 4 مەملەكەتتٸڭ قول قويۋىمەن قۇرىلعان بولاتىن.
ىنتىماقتاستىق باسقوسۋىنا ەزەربايجان, تٷركييا, ٶزبەكستان, قىرعىزستان, موڭعولييا مەملەكەتتەرٸ مەن رەسەي فەدەراتسيياسىنىڭ تاتارستان, باشقۇرتستان, ساحا, تىۆا رەسپۋبليكالارىنان ارنايى دەلەگاتسييالار كەلٸپ, دوستىق ٶنەرٸن تاماشالاپ كەلەدٸ. سونىمەن قاتار, تٷركٸتٸلدەس مەملەكەتتەردەن كەلگەن كٶركەمٶنەر ۇجىمدارى مەن ەنشٸلەر تٷركٸستان قالاسىنداعى قوجا احمەت ياساۋي اتىنداعى حالىقارالىق قازاق-تٷرٸك ۋنيۆەرسيتەتٸنٸڭ مەدەنيەت ورتالىعىندا تٷركٸ ەلەمٸنٸڭ ىنتىماقتاستىق كٷنٸنە ارنالعان مەرەكەلٸك كونتسەرت قويعان بولاتىن.
