Shymkentte politseiler jigitti sýitsidten qutqardy, dep habarlaidy «Ult aqparat» Polisia.kz saityna silteme jasap.
28 qańtarda saǵat 19:00 shamasynda Arǵynbekov pen Qaziev kósheleriniń qiylysynda kezekshilikte turǵan Shymkent qalasynyń politsiia departamenti patrýldik politsiia polkiniń 7-rota №942-shi avtoekipajynyń qyzmetkerlerine azamattar kelip, Dendroparkta óz ózine qol jumsamaqshy dostaryn izdep júrgenderin habarlady. Habarlama boiynsha Patrýldik politsiia polkiniń eki avtoekipajy saiabaqqa kelip, búkil aýmaqty jedel aralai bastady. Politsiia qyzmetkerleri jigitti besedkanyń janynan taýyp, onymen sóilese bastaǵan. Tártip saqshylary jigitke barynsha jaqyndaǵan kezde, ol besedkanyń qorshaýyna kóterilip, moinyna jip ilip, sekiredi.
Jedel qimyldaǵan politsiia qyzmetkerleri Alibek Asylbekov, Turar Moldahojaev, Muhit Ýteýliev jáne Eskendir Abdýkarimov ony kóterip, jipti úzip, tómen túsiredi. Azamat aýrýhanaǵa jetkizildi. Tekserý barysynda jigittiń bul qadamǵa barýyna qyzymen janjaldasýy sebep bolǵany anyqtaldy.
