شىمكەنتتە پوليتسەيلەر جٸگٸتتٸ سۋيتسيدتەن قۇتقاردى, دەپ حابارلايدى «ۇلت اقپارات» Polisia.kz سايتىنا سٸلتەمە جاساپ.
28 قاڭتاردا ساعات 19:00 شاماسىندا ارعىنبەكوۆ پەن قازيەۆ كٶشەلەرٸنٸڭ قيىلىسىندا كەزەكشٸلٸكتە تۇرعان شىمكەنت قالاسىنىڭ پوليتسييا دەپارتامەنتٸ پاترۋلدٸك پوليتسييا پولكٸنٸڭ 7-روتا №942-شٸ اۆتوەكيپاجىنىڭ قىزمەتكەرلەرٸنە ازاماتتار كەلٸپ, دەندروپاركتا ٶز ٶزٸنە قول جۇمساماقشى دوستارىن ٸزدەپ جٷرگەندەرٸن حابارلادى. حابارلاما بويىنشا پاترۋلدٸك پوليتسييا پولكٸنٸڭ ەكٸ اۆتوەكيپاجى ساياباققا كەلٸپ, بٷكٸل اۋماقتى جەدەل ارالاي باستادى. پوليتسييا قىزمەتكەرلەرٸ جٸگٸتتٸ بەسەدكانىڭ جانىنان تاۋىپ, ونىمەن سٶيلەسە باستاعان. تەرتٸپ ساقشىلارى جٸگٸتكە بارىنشا جاقىنداعان كەزدە, ول بەسەدكانىڭ قورشاۋىنا كٶتەرٸلٸپ, موينىنا جٸپ ٸلٸپ, سەكٸرەدٸ.
جەدەل قيمىلداعان پوليتسييا قىزمەتكەرلەرٸ اليبەك اسىلبەكوۆ, تۇرار مولداحوجاەۆ, مۇحيت ۋتەۋليەۆ جەنە ەسكەندٸر ابدۋكاريموۆ ونى كٶتەرٸپ, جٸپتٸ ٷزٸپ, تٶمەن تٷسٸرەدٸ. ازامات اۋرۋحاناعا جەتكٸزٸلدٸ. تەكسەرۋ بارىسىندا جٸگٸتتٸڭ بۇل قادامعا بارۋىنا قىزىمەن جانجالداسۋى سەبەپ بولعانى انىقتالدى.
