Shymkentte Názir Tórequlovtyń týǵanyna 125 jyl tolýyna orai «Azamat. Kúresker. Diplomat» atty eske alý keshi bolyp ótti, dep habarlaidy QazAqparat tilshisi.
A.Pýshkin atyndaǵy oblystyq ámbebap kitaphanasynda ótken keshke jazýshy, názirtanýshy, túrkitanýshy, «Názir qory» syilyǵynyń laýreaty Sársen Bek Sahabat men Muhtar Áýezov atyndaǵy Ońtústik Qazaqstan Memlekettik ýnivesiteti tarih kafedrasynyń dotsenti, tarih ǵylymdarynyń kandidaty G.Tileýqulov pen joǵary oqý ornynyń stýdentteri, mektep ustazdary qatysty. Halyqaralyq dárejedegi diplomatiialyq saiasatty júrgizýde ózindik úlesi bar, kórnekti qairatker Názir Tórequlovtyń qazaq halqy úshin jasaǵan eńbegi ushan teńiz.
«Názir Tórequlov týraly el arasynda ańyz-áńgimeler kóp. Solardyń birinde Názir men Turar 1937 jyly qamaýǵa alynǵanda ózara hat jazysyp, onda olardyń el jaiyna, ult bolashaǵyna alańdaityny aiqyn kórinis bergen. Iá, osyndai arda azamattardyń eli men jeri úshin jasaǵan eńbegin búgingi urpaq umytpaýy tiis. Sondyqtan Alash ziialysynyń ult úshin jasaǵan eńbekterin únemi eske alyp otyrýymyz kerek», - dedi Sársen Bek Sahabat.
Odan soń sóz alǵan G.Tileýqulov N.Tórequlovtyń qazaq tilinen ózge, túrik, arab, parsy jáne orys tilderin jetik meńgergenin, sondai-aq shyǵys ádebietin, tarihyn tereń bilgeni jaily aityp ótti.
Keshte Názir Tórequlovty eske alýshylar ulttyń uly qairatkerin qazaqtan shyqqan tuńǵysh elshi jáne ǵalym-aǵartýshynyń solaqai saiasattyń qurbany bolǵanyn da áńgime etti.
Aita keteiik, Shymkentte búginde ortalyq kóshelerdiń biri men mektep tanymal tulǵa Názir Tórequlovtyń atymen atalady.
