شىمكەنتتە نەزٸر تٶرەقۇلوۆتىڭ تۋعانىنا 125 جىل تولۋىنا وراي «ازامات. كٷرەسكەر. ديپلومات» اتتى ەسكە الۋ كەشٸ بولىپ ٶتتٸ, دەپ حابارلايدى قازاقپارات تٸلشٸسٸ.
ا.پۋشكين اتىنداعى وبلىستىق ەمبەباپ كٸتاپحاناسىندا ٶتكەن كەشكە جازۋشى, نەزٸرتانۋشى, تٷركٸتانۋشى, «نەزٸر قورى» سىيلىعىنىڭ لاۋرەاتى سەرسەن بەك ساحابات مەن مۇحتار ەۋەزوۆ اتىنداعى وڭتٷستٸك قازاقستان مەملەكەتتٸك ۋنيۆەسيتەتٸ تاريح كافەدراسىنىڭ دوتسەنتٸ, تاريح عىلىمدارىنىڭ كانديداتى گ.تٸلەۋقۇلوۆ پەن جوعارى وقۋ ورنىنىڭ ستۋدەنتتەرٸ, مەكتەپ ۇستازدارى قاتىستى. حالىقارالىق دەرەجەدەگٸ ديپلوماتييالىق ساياساتتى جٷرگٸزۋدە ٶزٸندٸك ٷلەسٸ بار, كٶرنەكتٸ قايراتكەر نەزٸر تٶرەقۇلوۆتىڭ قازاق حالقى ٷشٸن جاساعان ەڭبەگٸ ۇشان تەڭٸز.
«نەزٸر تٶرەقۇلوۆ تۋرالى ەل اراسىندا اڭىز-ەڭگٸمەلەر كٶپ. سولاردىڭ بٸرٸندە نەزٸر مەن تۇرار 1937 جىلى قاماۋعا الىنعاندا ٶزارا حات جازىسىپ, وندا ولاردىڭ ەل جايىنا, ۇلت بولاشاعىنا الاڭدايتىنى ايقىن كٶرٸنٸس بەرگەن. يە, وسىنداي اردا ازاماتتاردىڭ ەلٸ مەن جەرٸ ٷشٸن جاساعان ەڭبەگٸن بٷگٸنگٸ ۇرپاق ۇمىتپاۋى تيٸس. سوندىقتان الاش زييالىسىنىڭ ۇلت ٷشٸن جاساعان ەڭبەكتەرٸن ٷنەمٸ ەسكە الىپ وتىرۋىمىز كەرەك», - دەدٸ سەرسەن بەك ساحابات.
ودان سوڭ سٶز العان گ.تٸلەۋقۇلوۆ ن.تٶرەقۇلوۆتىڭ قازاق تٸلٸنەن ٶزگە, تٷرٸك, اراب, پارسى جەنە ورىس تٸلدەرٸن جەتٸك مەڭگەرگەنٸن, سونداي-اق شىعىس ەدەبيەتٸن, تاريحىن تەرەڭ بٸلگەنٸ جايلى ايتىپ ٶتتٸ.
كەشتە نەزٸر تٶرەقۇلوۆتى ەسكە الۋشىلار ۇلتتىڭ ۇلى قايراتكەرٸن قازاقتان شىققان تۇڭعىش ەلشٸ جەنە عالىم-اعارتۋشىنىڭ سولاقاي ساياساتتىڭ قۇربانى بولعانىن دا ەڭگٸمە ەتتٸ.
ايتا كەتەيٸك, شىمكەنتتە بٷگٸندە ورتالىق كٶشەلەردٸڭ بٸرٸ مەن مەكتەپ تانىمال تۇلعا نەزٸر تٶرەقۇلوۆتىڭ اتىمەن اتالادى.
