Foto: Polisia.kz
Túrkistan oblysynyń politseileri memlekettik nómirlerdi qoldan jasaǵan tsehty anyqtady. Tintý kezinde politsiia qyzmetkerleri 103 nómirlik belgini, 100-den asa gologrammalyq japsyrmany jáne nómir jasaýǵa arnalǵan arnaiy stanokty tapty, - dep habarlaidy Polisia.kz.
Túrkistan oblysy Politsiia departamentiniń uiymdasqan qylmysqa qarsy kúres basqarmasynyń qyzmetkerleri jedel-izdestirý is-sharalary barysynda kólik quraldary úshin jalǵan memlekettik nómirlik belgilerdi zańsyz daiyndaǵan tsehty anyqtaǵan.
"Máselen, Samara – Shymkent tasjolynda jedel ýákilder jergilikti politsiia qyzmetimen birlesip júrgizgen jedel sharalar kezinde Niva avtokóliginiń memlekettik nómiri jalǵan bolýy múmkin ekenine kúmándandy. Politseiler tez arada jedel áreket etip, kólik nómirine qatysty jumystardy atqara bastaidy. Osylaisha olar kóliktiń júrgizýshisine taqqan nómiriniń basqa adamǵa tirkelgenin aityp, túsindiredi.
Odan ári qarai qyraǵylyq tanytqan saqshylar arnaiy jospar quryp, jedel-izdestirý jáne arnaiy is-sharalar keshenin ótkizedi. Nátijesinde Shymkent qalasynda memlekettik nómirlerdi qoldan jasap jatqan tsehty anyqtap, onyń iesi retinde jergilikti turǵyndy ustady", - delingen habarlamada.
Tintý kezinde politsiia qyzmetkerleri 103 nómirlik belgini, 100-den asa gologrammalyq japsyrmany jáne nómir jasaýǵa arnalǵan arnaiy stanokty tapqan.
Bul fakt QR QK-niń 386-baby 1-bóligi boiynsha tirkeldi. Bolǵan oqiǵanyń barlyq mán-jaiy anyqtalyp jatyr.
