فوتو: Polisia.kz
تٷركٸستان وبلىسىنىڭ پوليتسەيلەرٸ مەملەكەتتٸك نٶمٸرلەردٸ قولدان جاساعان تسەحتى انىقتادى. تٸنتۋ كەزٸندە پوليتسييا قىزمەتكەرلەرٸ 103 نٶمٸرلٸك بەلگٸنٸ, 100-دەن اسا گولوگراممالىق جاپسىرمانى جەنە نٶمٸر جاساۋعا ارنالعان ارنايى ستانوكتى تاپتى, - دەپ حابارلايدى Polisia.kz.
تٷركٸستان وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ جەدەل-ٸزدەستٸرۋ ٸس-شارالارى بارىسىندا كٶلٸك قۇرالدارى ٷشٸن جالعان مەملەكەتتٸك نٶمٸرلٸك بەلگٸلەردٸ زاڭسىز دايىنداعان تسەحتى انىقتاعان.
"مەسەلەن, سامارا – شىمكەنت تاسجولىندا جەدەل ۋەكٸلدەر جەرگٸلٸكتٸ پوليتسييا قىزمەتٸمەن بٸرلەسٸپ جٷرگٸزگەن جەدەل شارالار كەزٸندە نيۆا اۆتوكٶلٸگٸنٸڭ مەملەكەتتٸك نٶمٸرٸ جالعان بولۋى مٷمكٸن ەكەنٸنە كٷمەنداندى. پوليتسەيلەر تەز ارادا جەدەل ەرەكەت ەتٸپ, كٶلٸك نٶمٸرٸنە قاتىستى جۇمىستاردى اتقارا باستايدى. وسىلايشا ولار كٶلٸكتٸڭ جٷرگٸزۋشٸسٸنە تاققان نٶمٸرٸنٸڭ باسقا ادامعا تٸركەلگەنٸن ايتىپ, تٷسٸندٸرەدٸ.
ودان ەرٸ قاراي قىراعىلىق تانىتقان ساقشىلار ارنايى جوسپار قۇرىپ, جەدەل-ٸزدەستٸرۋ جەنە ارنايى ٸس-شارالار كەشەنٸن ٶتكٸزەدٸ. نەتيجەسٸندە شىمكەنت قالاسىندا مەملەكەتتٸك نٶمٸرلەردٸ قولدان جاساپ جاتقان تسەحتى انىقتاپ, ونىڭ يەسٸ رەتٸندە جەرگٸلٸكتٸ تۇرعىندى ۇستادى", - دەلٸنگەن حابارلامادا.
تٸنتۋ كەزٸندە پوليتسييا قىزمەتكەرلەرٸ 103 نٶمٸرلٸك بەلگٸنٸ, 100-دەن اسا گولوگراممالىق جاپسىرمانى جەنە نٶمٸر جاساۋعا ارنالعان ارنايى ستانوكتى تاپقان.
بۇل فاكت قر قك-نٸڭ 386-بابى 1-بٶلٸگٸ بويىنشا تٸركەلدٸ. بولعان وقيعانىڭ بارلىق مەن-جايى انىقتالىپ جاتىر.
