foto ashyq derekkózden alyndy
Shymkentte mas kúidegi úi iesi ýchaskelik politseige pyshaqpen shabýyl jasady, dep habarlaidy "Ult aqparat" IIM baspasóz qyzmetine silteme jasap.
Vedomstvo málimetinshe, 6 qyrkúiek keshke Ál-Farabi APB-nyń ýchaskelik inspektory otbasylyq janjal týraly shaqyrtý túsken meken-jaiǵa barǵan. Jergilikti turǵyn ony kúieýi urǵanyn jetkizgen.
Oqiǵa ornyna kelgen ýchaskelik politsei qolynda pyshaǵy bar úi iesin kóredi. Tártip saqshysy pyshaqty tastaýdy talap etkende, mas er adam oǵan shabýyl jasap, moiny men qolyn jaraqattaǵan.
"Politsiia qyzmetkeri áriptesiniń kómegimen qaskúnemdi qarýsyzdandyrdy.
Tergeýshiler atalǵan jaitty Qylmystyq kodekstiń 380-baby 3-bóligi “Bilik ókiliniń óz qyzmettik mindetterin atqarýyna bailanysty ómirine nemese densaýlyǵyna qaýipti emes kúsh qoldaný” boiynsha tirkedi" - delingen habarlamada.
Belgili bolǵandai, kúdikti 2015 jyly osy baptyń birinshi bóligimen qylmystyq jaýapkershilikke tartylǵan. Sonymen qatar buryn áieliniń densaýlyǵyna ziian keltirgeni úshin ákimshilik qamaýǵa alynyp, politsiianyń esebinde turǵan.
Qazir er adam qamaýda. Sotqa deiingi tergeý amaldary júrgizilip jatyr.
