فوتو اشىق دەرەككٶزدەن الىندى
شىمكەنتتە ماس كٷيدەگٸ ٷي يەسٸ ۋچاسكەلٸك پوليتسەيگە پىشاقپەن شابۋىل جاسادى, دەپ حابارلايدى "ۇلت اقپارات" ٸٸم باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, 6 قىركٷيەك كەشكە ەل-فارابي اپب-نىڭ ۋچاسكەلٸك ينسپەكتورى وتباسىلىق جانجال تۋرالى شاقىرتۋ تٷسكەن مەكەن-جايعا بارعان. جەرگٸلٸكتٸ تۇرعىن ونى كٷيەۋٸ ۇرعانىن جەتكٸزگەن.
وقيعا ورنىنا كەلگەن ۋچاسكەلٸك پوليتسەي قولىندا پىشاعى بار ٷي يەسٸن كٶرەدٸ. تەرتٸپ ساقشىسى پىشاقتى تاستاۋدى تالاپ ەتكەندە, ماس ەر ادام وعان شابۋىل جاساپ, موينى مەن قولىن جاراقاتتاعان.
"پوليتسييا قىزمەتكەرٸ ەرٸپتەسٸنٸڭ كٶمەگٸمەن قاسكٷنەمدٸ قارۋسىزداندىردى.
تەرگەۋشٸلەر اتالعان جايتتى قىلمىستىق كودەكستٸڭ 380-بابى 3-بٶلٸگٸ “بيلٸك ٶكٸلٸنٸڭ ٶز قىزمەتتٸك مٸندەتتەرٸن اتقارۋىنا بايلانىستى ٶمٸرٸنە نەمەسە دەنساۋلىعىنا قاۋٸپتٸ ەمەس كٷش قولدانۋ” بويىنشا تٸركەدٸ" - دەلٸنگەن حابارلامادا.
بەلگٸلٸ بولعانداي, كٷدٸكتٸ 2015 جىلى وسى باپتىڭ بٸرٸنشٸ بٶلٸگٸمەن قىلمىستىق جاۋاپكەرشٸلٸككە تارتىلعان. سونىمەن قاتار بۇرىن ەيەلٸنٸڭ دەنساۋلىعىنا زييان كەلتٸرگەنٸ ٷشٸن ەكٸمشٸلٸك قاماۋعا الىنىپ, پوليتسييانىڭ ەسەبٸندە تۇرعان.
قازٸر ەر ادام قاماۋدا. سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
