Shymkentte qala merekesine orai balalar kitaphanasy qaita ashyldy. Qyryq jyldyq tarihy bar ǵimarat qaita salynyp, paidalanýǵa berildi, dep habarlaidy "Ult aqparat" QazAqparat agenttigine silteme jasap.
Qalalyq ortalyqtandyrylǵan balalar kitaphanasy júiesine qarasty №2 kitaphana bólimshesi 112 oramda ornalasqan. Irgetasy 1977 jyly qalanǵan kitaphananyń 34 myńǵa jýyq kitap qory jáne 2 myńǵa jýyq oqyrmany bar. Kelýshiler sany da az emes, 20 myńǵa jetken. Al, 2013 jyly bul ǵimarat apatty dep tanylyp, jaramsyz bolǵan edi. Osyny eskergen shahar basshylary ony qaita salý úshin qazynadan 44 mln teńge bólgen. Sáýir aiynda kitaphana irgetasynan bastap qaita salyndy. Merdiger mekeme qyrkúiek aiynda mekemeniń kiltin tabystady. Jańa kitaphana jihaz, kompiýterlik tehnikamen jabdyqtalǵan. Internet jelisine qosylyp, «RABIS» elektrondy boiynsha jumys júrgizip keledi. Balalar kitaphanasynyń ashylý saltanatyna qala ákiminiń orynbasary Qairat Nurtai men jazýshy Marhabat Baiǵut qatysyp, lentasyn qidy.
«Elbasymyz N. Nazarbaev «Bolashaqqa baǵdar: rýhani jańǵyrý» maqalasynda saýatty, kreativti, jańa jetistikti meńgergen urpaq tárbieleýimiz kerek degen bolatyn. Kitaphana naǵyz - bilimniń qudyǵy. Bul kitaphananyń qory az emes, endi balalarymyz kitapty elektrondy túrinde oqýyna da múmkindigi bar. Oqýshylardyń búgin kóp jinalǵanyna qýanyp turmyn»,- dep igi tilegin jetkizdi Qairat Yrzaqululy.
Ǵimarattyń ashylý saltanatynda qonaqtar jańa nysandy aralap, ondaǵy kitaptarmen tanysty.
Aita keteiik, Shymkentte 14 balalar kitaphanasy bar.
