شىمكەنتتە قالا مەرەكەسٸنە وراي بالالار كٸتاپحاناسى قايتا اشىلدى. قىرىق جىلدىق تاريحى بار عيمارات قايتا سالىنىپ, پايدالانۋعا بەرٸلدٸ, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
قالالىق ورتالىقتاندىرىلعان بالالار كٸتاپحاناسى جٷيەسٸنە قاراستى №2 كٸتاپحانا بٶلٸمشەسٸ 112 ورامدا ورنالاسقان. ٸرگەتاسى 1977 جىلى قالانعان كٸتاپحانانىڭ 34 مىڭعا جۋىق كٸتاپ قورى جەنە 2 مىڭعا جۋىق وقىرمانى بار. كەلۋشٸلەر سانى دا از ەمەس, 20 مىڭعا جەتكەن. ال, 2013 جىلى بۇل عيمارات اپاتتى دەپ تانىلىپ, جارامسىز بولعان ەدٸ. وسىنى ەسكەرگەن شاھار باسشىلارى ونى قايتا سالۋ ٷشٸن قازىنادان 44 ملن تەڭگە بٶلگەن. سەۋٸر ايىندا كٸتاپحانا ٸرگەتاسىنان باستاپ قايتا سالىندى. مەردٸگەر مەكەمە قىركٷيەك ايىندا مەكەمەنٸڭ كٸلتٸن تابىستادى. جاڭا كٸتاپحانا جيھاز, كومپيۋتەرلٸك تەحنيكامەن جابدىقتالعان. ينتەرنەت جەلٸسٸنە قوسىلىپ, «رابيس» ەلەكتروندى بويىنشا جۇمىس جٷرگٸزٸپ كەلەدٸ. بالالار كٸتاپحاناسىنىڭ اشىلۋ سالتاناتىنا قالا ەكٸمٸنٸڭ ورىنباسارى قايرات نۇرتاي مەن جازۋشى مارحابات بايعۇت قاتىسىپ, لەنتاسىن قيدى.
«ەلباسىمىز ن. نازارباەۆ «بولاشاققا باعدار: رۋحاني جاڭعىرۋ» ماقالاسىندا ساۋاتتى, كرەاتيۆتٸ, جاڭا جەتٸستٸكتٸ مەڭگەرگەن ۇرپاق تەربيەلەۋٸمٸز كەرەك دەگەن بولاتىن. كٸتاپحانا ناعىز - بٸلٸمنٸڭ قۇدىعى. بۇل كٸتاپحانانىڭ قورى از ەمەس, ەندٸ بالالارىمىز كٸتاپتى ەلەكتروندى تٷرٸندە وقۋىنا دا مٷمكٸندٸگٸ بار. وقۋشىلاردىڭ بٷگٸن كٶپ جينالعانىنا قۋانىپ تۇرمىن»,- دەپ يگٸ تٸلەگٸن جەتكٸزدٸ قايرات ىرزاقۇلۇلى.
عيماراتتىڭ اشىلۋ سالتاناتىندا قوناقتار جاڭا نىساندى ارالاپ, ونداعى كٸتاپتارمەن تانىستى.
ايتا كەتەيٸك, شىمكەنتتە 14 بالالار كٸتاپحاناسى بار.
