Shymkentte er adam attraktsionnan qulady, - dep habarlaidy Tengrinews.kz.
Oqiǵa týraly aqparatty zańger Evgenii Iavorskii jariialady. Onyń aitýynsha, er adam quzǵa órmeleý attraktsionynan qulaǵan.
Shymkent qalalyq densaýlyq saqtaý basqarmasynyń baspasóz qyzmeti 10 sáýirde jedel járdem qyzmetine saiabaqtan er adamnyń biikten qulap, jaraqat alǵany týraly habarlama túskenin habarlady.
Dárigerlerdiń aitýynsha, er adam komada, jaǵdaiy aýyr.
"Oqiǵa ornyna kelgen meditsina qyzmetkerleri naýqasqa alǵashqy meditsinalyq kómek kórsetip, ony №1 qalalyq klinikalyq aýrýhanaǵa jetkizdi. Tekserý kezinde naýqastyń basynyń mańdai aimaǵynyń jyrtylǵany anyqtaldy. Hirýrgiialyq em júrgizildi. Naýqastyń jaǵdaiy aýyr, ol jansaqtaý bóliminde jatyr", - dep habarlady vedomstvodan.
Shymkent qalalyq IIB sotqa deiingi tergeý jumystary bastalǵanyn habarlady.
"2022 jyldyń 10 sáýirinde Báidibek bi kóshesindegi attraktsiondar saiabaǵynda oryn alǵan jait boiynsha Ál-Farabi aýdany Politsiia basqarmasynyń qyzmetkerlerimen QR QK 306-babynyń 1-bóligimen (tutynýshylar ómiriniń nemese densaýlyǵynyń qaýipsizdigi talaptaryna sai kelmeitin jumystardy oryndaý ne qyzmetter kórsetý) qylmystyq is tirkeldi.
Qazirgi tańda sotqa deiingi tergep-tekserý jumystary júrgizilip jatyr, onyń barysynda jaittyń barlyq mán-jaiy anyqtalatyn bolady", - delingen habarlamada.
