شىمكەنتتە ەر ادام اتتراكتسيوننان قۇلادى - ۆيدەو

شىمكەنت قالالىق دەنساۋلىق ساقتاۋ باسقارماسىنىڭ باسپاسٶز قىزمەتٸ 10 سەۋٸردە جەدەل جەردەم قىزمەتٸنە ساياباقتان ەر ادامنىڭ بيٸكتەن قۇلاپ, جاراقات العانى تۋرالى حابارلاما تٷسكەنٸن حابارلادى.

دەرٸگەرلەردٸڭ ايتۋىنشا, ەر ادام كومادا, جاعدايى اۋىر.

"وقيعا ورنىنا كەلگەن مەديتسينا قىزمەتكەرلەرٸ ناۋقاسقا العاشقى مەديتسينالىق كٶمەك كٶرسەتٸپ, ونى №1 قالالىق كلينيكالىق اۋرۋحاناعا جەتكٸزدٸ. تەكسەرۋ كەزٸندە ناۋقاستىڭ باسىنىڭ ماڭداي ايماعىنىڭ جىرتىلعانى انىقتالدى. حيرۋرگييالىق ەم جٷرگٸزٸلدٸ. ناۋقاستىڭ جاعدايى اۋىر, ول جانساقتاۋ بٶلٸمٸندە جاتىر", - دەپ حابارلادى ۆەدومستۆودان.

شىمكەنت قالالىق ٸٸب سوتقا دەيٸنگٸ تەرگەۋ جۇمىستارى باستالعانىن حابارلادى.

"2022 جىلدىڭ 10 سەۋٸرٸندە بەيدٸبەك بي كٶشەسٸندەگٸ اتتراكتسيوندار ساياباعىندا ورىن العان جايت بويىنشا ەل-فارابي اۋدانى پوليتسييا باسقارماسىنىڭ قىزمەتكەرلەرٸمەن قر قك 306-بابىنىڭ 1-بٶلٸگٸمەن (تۇتىنۋشىلار ٶمiرiنiڭ نەمەسە دەنساۋلىعىنىڭ قاۋiپسiزدiگi تالاپتارىنا ساي كەلمەيتiن جۇمىستاردى ورىنداۋ نە قىزمەتتەر كٶرسەتۋ) قىلمىستىق ٸس تٸركەلدٸ. 

قازٸرگٸ تاڭدا سوتقا دەيٸنگٸ تەرگەپ-تەكسەرۋ جۇمىستارى جٷرگٸزٸلٸپ جاتىر, ونىڭ بارىسىندا جايتتىڭ بارلىق مەن-جايى انىقتالاتىن بولادى", - دەلٸنگەن حابارلامادا.