Foto: videodan skrinshot
Shymkent qalasy Politsiia departamentiniń qyzmetkerleri jedel-izdestirý is-sharalarynyń nátijesinde adam óltirý, buzaqylyq jáne adam urlaý qylmystaryna qatysy bar degen kúdikpen tórt er adamdy anyqtap, qolǵa túsirdi, dep habarlaidy Ult.kz.
Kúdiktiler ýaqytsha ustaý izoliatoryna qamaýǵa alyndy. Qazirgi ýaqytta jedel-izdestirý jáne tergeý sharalary jalǵasyp jatyr.
Atalǵan oqiǵa 20 qańtar kúni bolǵan. 40 jastaǵy er adam alǵan pyshaq jaraqattarynyń saldarynan kóz jumyp, taǵy bir azamat aýrýhanaǵa jetkizilgen.
Atalǵan fakti boiynsha Qylmystyq kodekstiń «Adam óltirý», «Buzaqylyq» jáne «Adam urlaý» baptary boiynsha qylmystyq is qozǵaldy. Kúdiktilerdi anyqtaý jáne ustaý úshin politsiia departamentiniń barlyq kúshteri men quraldary jumyldyrylyp, istiń mán-jaiyn jan-jaqty anyqtaýǵa baǵyttalǵan keshendi tergeý amaldary júrgizilýde.
