Shymkent politsiiasy jelidegi taraǵan aýdio jazbaǵa qatysty qyzmettik tekserý júrgizedi, dep habarlaidy QazAqparat.
Shymkent qalasy politsiia departamenti baspasóz qyzmetiniń jetekshisi Móldir Bekeeva dep kórsetilgen aýdio jazba áleýmettik jelide úlken talqylaýǵa túsip jatyr. Onda áiel adamnyń qyzmetkerine jekip sóilep, bylapyt sózder aitqanyn estýge bolady. Tipti jumystan bosatý jóninde másele qaraityndyǵyn jetkizgen daýys iesi, ádep normalaryn saqtamai, aýzyna kelgen aǵat sózderdi qarsha boratqan.
Búgin Shymkent qalasy politsiia departamentiniń bastyǵy, politsiia general maiory Qairat Dálbekov bul jaǵdai boiynsha qyzmettik tekserý júrgiziletindigin aitty.
«Shymkent qalasy politsiia departamentiniń Ózindik qaýipsizdik basqarmasyna beinejazbaǵa qatysty qyzmettik tekserý júrgizýdi tapsyrdym. Qorytyndysy boiynsha naqty sheshim qabyldanatyn bolady» - delingen Qairat Dálbekovtyń jazbasynda.
