شىمكەنت پوليتسيياسى جەلٸدەگٸ تاراعان اۋديو جازباعا قاتىستى قىزمەتتٸك تەكسەرۋ جٷرگٸزەدٸ, دەپ حابارلايدى قازاقپارات.
شىمكەنت قالاسى پوليتسييا دەپارتامەنتٸ باسپاسٶز قىزمەتٸنٸڭ جەتەكشٸسٸ مٶلدٸر بەكەەۆا دەپ كٶرسەتٸلگەن اۋديو جازبا ەلەۋمەتتٸك جەلٸدە ٷلكەن تالقىلاۋعا تٷسٸپ جاتىر. وندا ەيەل ادامنىڭ قىزمەتكەرٸنە جەكٸپ سٶيلەپ, بىلاپىت سٶزدەر ايتقانىن ەستۋگە بولادى. تٸپتٸ جۇمىستان بوساتۋ جٶنٸندە مەسەلە قارايتىندىعىن جەتكٸزگەن داۋىس يەسٸ, ەدەپ نورمالارىن ساقتاماي, اۋزىنا كەلگەن اعات سٶزدەردٸ قارشا بوراتقان.
بٷگٸن شىمكەنت قالاسى پوليتسييا دەپارتامەنتٸنٸڭ باستىعى, پوليتسييا گەنەرال مايورى قايرات دەلبەكوۆ بۇل جاعداي بويىنشا قىزمەتتٸك تەكسەرۋ جٷرگٸزٸلەتٸندٸگٸن ايتتى.
«شىمكەنت قالاسى پوليتسييا دەپارتامەنتٸنٸڭ ٶزٸندٸك قاۋٸپسٸزدٸك باسقارماسىنا بەينەجازباعا قاتىستى قىزمەتتٸك تەكسەرۋ جٷرگٸزۋدٸ تاپسىردىم. قورىتىندىسى بويىنشا ناقتى شەشٸم قابىلداناتىن بولادى» - دەلٸنگەن قايرات دەلبەكوۆتىڭ جازباسىندا.
