Shyǵys Qazaqstan oblysynda sý basqan eki aýdanda sońǵy bes kúnde 750-den astam adam qutqaryldy, - dep habarlady Qazaqstan Ishki ister ministrliginiń tótenshe jaǵdailar komitetine siltegen jergilikti aqparat agenttikteri.
QazAqparattyń tótenshe jaǵdailar komitetine silteme jasap habarlaýynsha, evakýatsiialanǵan adamdardyń kópshiligi týystarynyń úiine, keibiri evakýatsiia pýnkterine ornalasqan. Sońǵy málimet boiynsha, ázirge deiin 44 adam úilerine qaitqan.
Glýbokoe jáne Shemonaiha aýdandarynda buǵan deiin sý tasqynyna bailanysty tótenshe jaǵdai jariialanǵan. Sý tasqyny oblystyń basqa da aýdandarynda bolǵan. Osy aida oblystyń Aiagóz aýdanynda da sý tasqyny bolyp, ondaǵan úidi sý basqan edi.
QazAqparat aimaqta sý deńgeii odan ary kóterilip, sý basady dep boljam jasalyp otyrǵanyn habarlaidy. Sinoptikterdiń boljamynsha, aldaǵy birneshe kún boiy oblysta jańbyr jaýady.
