شىعىس قازاقستان وبلىسىندا سۋ باسقان ەكٸ اۋداندا سوڭعى بەس كٷندە 750-دەن استام ادام قۇتقارىلدى, - دەپ حابارلادى قازاقستان ٸشكٸ ٸستەر مينيسترلٸگٸنٸڭ تٶتەنشە جاعدايلار كوميتەتٸنە سٸلتەگەن جەرگٸلٸكتٸ اقپارات اگەنتتٸكتەرٸ.
قازاقپاراتتىڭ تٶتەنشە جاعدايلار كوميتەتٸنە سٸلتەمە جاساپ حابارلاۋىنشا, ەۆاكۋاتسييالانعان ادامداردىڭ كٶپشٸلٸگٸ تۋىستارىنىڭ ٷيٸنە, كەيبٸرٸ ەۆاكۋاتسييا پۋنكتەرٸنە ورنالاسقان. سوڭعى مەلٸمەت بويىنشا, ەزٸرگە دەيٸن 44 ادام ٷيلەرٸنە قايتقان.
گلۋبوكوە جەنە شەمونايحا اۋداندارىندا بۇعان دەيٸن سۋ تاسقىنىنا بايلانىستى تٶتەنشە جاعداي جارييالانعان. سۋ تاسقىنى وبلىستىڭ باسقا دا اۋداندارىندا بولعان. وسى ايدا وبلىستىڭ اياگٶز اۋدانىندا دا سۋ تاسقىنى بولىپ, ونداعان ٷيدٸ سۋ باسقان ەدٸ.
قازاقپارات ايماقتا سۋ دەڭگەيٸ ودان ارى كٶتەرٸلٸپ, سۋ باسادى دەپ بولجام جاسالىپ وتىرعانىن حابارلايدى. سينوپتيكتەردٸڭ بولجامىنشا, الداعى بٸرنەشە كٷن بويى وبلىستا جاڭبىر جاۋادى.
