Shyǵys Qazaqstan Oblysynda ózenderdegi sý deńgeii kóterilip, sý basýy múmkin dep eskertti "Qazgidromet" RMK baspasóz hatshysy Alina Ysmaǵulova. Bul týraly "Ult Aqparat" habarlaidy.
"2024 jylǵy 30 sáýir-04 mamyr aralyǵynda negizinen jańbyr túrindegi jaýyn-shashyn kútilýine bailanysty Shyǵys Qazaqstan oblysynyń aýmaǵynda betkeilik aǵyndardyń qalyptasýy, ózenderdegi sý deńgeiiniń kóterilýi kútiledi, qaýipti deńgeiden asýy, sondai-aq kishigirim ózender men bulaqtardyń, ýaqytsha arnalardyń sýlylyǵy kobeiýi múmkin.
Eskertý: bul rette avtojoldar men temir joldardyń, turǵyn eldi mekender men sharýashylyq qurylystardyń tógilýi men sý basýy múmkin", -dedi A.Ysmaǵulova.
Solndai-aq, mamannyń sózinshe Respýblikanyń basym bóliginde atmosferalyq frontaldy bólimderdiń ótýimen jaýyn-shashyndy aýa raiy kútiledi, 01-02 mamyrda elimizdiń soltústiginde, shyǵysynda, ońtústik-shyǵysynda jáne ortalyǵynda qatty jaýyn-shashyn bolady, túngi ýaqyttarda jańbyrdyń qarǵa ulasýy yqtimal, naizaǵai, elimizdiń ońtústik-shyǵysynda burshaq jaýýy múmkin. Respýblika boiynsha ekpindi jel kúsheiedi, túnde soltústik, shyǵys óńirlerde tuman bolady dep boljanýda.
Skandinaviia aimaqtarynan engen salqyn antitsiklon jotasy áserinen, soltústik, shyǵys jáne ortalyq aimaqtarda aýa temperatýrasy túnde 0-5 gradýs jyly, 1-6 gradýs úsikke deiin, kúndiz 5-13 gradýs jylyǵa deiin kúrt tómendeýi kútiledi. Sondai-aq, sýyq front birtindep elimizdiń ońtústik aimaqtaryna qarai jyljidy, onda aýa temperatýrasy túnde 2-7 gradýs jyly, 2 gradýs úsikke deiin, kúndiz 15-25 gradýs jylýǵa deiin tómendeidi.
