شىعىس قازاقستان وبلىسىندا ٶزەندەردەگٸ سۋ دەڭگەيٸ كٶتەرٸلٸپ, سۋ باسۋى مٷمكٸن دەپ ەسكەرتتٸ "قازگيدرومەت" رمك باسپاسٶز حاتشىسى الينا ىسماعۇلوۆا. بۇل تۋرالى "ۇلت اقپارات" حابارلايدى.
"2024 جىلعى 30 سەۋٸر-04 مامىر ارالىعىندا نەگٸزٸنەن جاڭبىر تٷرٸندەگٸ جاۋىن-شاشىن كٷتٸلۋٸنە بايلانىستى شىعىس قازاقستان وبلىسىنىڭ اۋماعىندا بەتكەيلٸك اعىنداردىڭ قالىپتاسۋى, ٶزەندەردەگٸ سۋ دەڭگەيٸنٸڭ كٶتەرٸلۋٸ كٷتٸلەدٸ, قاۋٸپتٸ دەڭگەيدەن اسۋى, سونداي-اق كٸشٸگٸرٸم ٶزەندەر مەن بۇلاقتاردىڭ, ۋاقىتشا ارنالاردىڭ سۋلىلىعى كوبەيۋٸ مٷمكٸن.
ەسكەرتۋ: بۇل رەتتە اۆتوجولدار مەن تەمٸر جولداردىڭ, تۇرعىن ەلدٸ مەكەندەر مەن شارۋاشىلىق قۇرىلىستاردىڭ تٶگٸلۋٸ مەن سۋ باسۋى مٷمكٸن", -دەدٸ ا.ىسماعۇلوۆا.
سولنداي-اق, ماماننىڭ سٶزٸنشە رەسپۋبليكانىڭ باسىم بٶلٸگٸندە اتموسفەرالىق فرونتالدى بٶلٸمدەردٸڭ ٶتۋٸمەن جاۋىن-شاشىندى اۋا رايى كٷتٸلەدٸ, 01-02 مامىردا ەلٸمٸزدٸڭ سولتٷستٸگٸندە, شىعىسىندا, وڭتٷستٸك-شىعىسىندا جەنە ورتالىعىندا قاتتى جاۋىن-شاشىن بولادى, تٷنگٸ ۋاقىتتاردا جاڭبىردىڭ قارعا ۇلاسۋى ىقتيمال, نايزاعاي, ەلٸمٸزدٸڭ وڭتٷستٸك-شىعىسىندا بۇرشاق جاۋۋى مٷمكٸن. رەسپۋبليكا بويىنشا ەكپٸندٸ جەل كٷشەيەدٸ, تٷندە سولتٷستٸك, شىعىس ٶڭٸرلەردە تۇمان بولادى دەپ بولجانۋدا.
سكانديناۆييا ايماقتارىنان ەنگەن سالقىن انتيتسيكلون جوتاسى ەسەرٸنەن, سولتٷستٸك, شىعىس جەنە ورتالىق ايماقتاردا اۋا تەمپەراتۋراسى تٷندە 0-5 گرادۋس جىلى, 1-6 گرادۋس ٷسٸككە دەيٸن, كٷندٸز 5-13 گرادۋس جىلىعا دەيٸن كٷرت تٶمەندەۋٸ كٷتٸلەدٸ. سونداي-اق, سۋىق فرونت بٸرتٸندەپ ەلٸمٸزدٸڭ وڭتٷستٸك ايماقتارىنا قاراي جىلجيدى, وندا اۋا تەمپەراتۋراسى تٷندە 2-7 گرادۋس جىلى, 2 گرادۋس ٷسٸككە دەيٸن, كٷندٸز 15-25 گرادۋس جىلۋعا دەيٸن تٶمەندەيدٸ.
