ماحابباتتىڭ جاس تالعامايتىنىن دەلەلدەگەن تانىمال جۇپتار قازاقستاندىق ٶنەر ەلەمٸندە دە بار. بٸرٸ ٶزٸنەن بٸرنەشە جاس كٸشٸ ازاماتپەن وتباسىن قۇرسا, ەندٸ بٸرٸ اراداعى ونداعان جىلدىق ايىرماشىلىققا قاراماستان سٷيگەنٸمەن باس قوسقان, دەپ حابارلايدى ult.kz.
1. ەركە ەسماحان مەن Raim
تانىمال ەنشٸ ەركە ەسماحان مەن Raim لاقاپ اتىمەن ٶنەر كٶرسەتەتٸن رايىمبەك باقتىگەرەەۆتٸڭ قارىم-قاتىناسى العاش جارييا بولعاندا, ەلەۋمەتتٸك جەلٸدە قىزۋ تالقىلاندى. ەركە 1984 جىلى, ال رايىمبەك 1996 جىلى دٷنيەگە كەلگەن. دەمەك, ەنشٸ جۇبايىنان 12 جاس ٷلكەن.
2023 جىلدىڭ قاڭتارىندا ەكەۋٸ نەكەسٸن قيىپ, وتباسىن قۇردى. جۇپ جاس ايىرماشىلىعىنا بايلانىستى ايتىلعان تٷرلٸ پٸكٸرلەرگە قاراماستان, ورتاق ٶمٸرٸن جالعاستىرىپ كەلەدٸ. بٷگٸندە ولار بالالارىن تەربيەلەپ وتىر.
2. داريعا بادىقوۆا مەن ولجاس اباي
تانىمال اكتريسا داريعا بادىقوۆا مەن اكتەر ولجاس ابايدىڭ قارىم-قاتىناسى كٶپشٸلٸكتٸڭ نازارىن اۋدارعان. داريعا بادىقوۆا 1985 جىلى دٷنيەگە كەلگەن. ال ولجاس اباي بٸر ەفيردە ٶزٸنٸڭ 1989 جىلى تۋعانىن ايتقان. وسى مەلٸمەتكە سٷيەنسەك, اكتريسا جۇبايىنان تٶرت جاس ٷلكەن. الايدا كەيبٸر اشىق دەرەككٶزدەردە ولجاس ابايدىڭ تۋعان جىلى 1991 جىل دەپ كٶرسەتٸلگەن. بۇل جاعدايدا ولاردىڭ تۋعان جىلدارىنىڭ ايىرماسى التى جىل بولادى.
داريعا مەن ولجاستى كينو ٶنەرٸ دە بايلانىستىرادى. ەكەۋٸ "كلاسستاستار" فيلمٸنٸڭ تٷسٸرٸلٸم الاڭىندا تانىسقان. كەيٸن "تاپتىم-اۋ سەنٸ", "تاپتىم-اۋ سەنٸ 2", "تاستايمىن-اۋ سەنٸ" جەنە "تاپتىم-اۋ سەنٸ 3" فيلمدەرٸندە بٸرگە ٶنەر كٶرسەتتٸ. العاشىندا شىعارماشىلىق سەرٸكتەستٸكتەن باستالعان قارىم-قاتىناستارى كەيٸن ماحابباتقا ۇلاسىپ, 2026 جىلدىڭ قازان ايىندا جۇپ شاڭىراق كٶتەردٸ.
3. نۇرعالي نٷسٸپجانوۆ پەن جادىرا سەيدەش
قازاقستاننىڭ حالىق ەرتٸسٸ نۇرعالي نٷسٸپجانوۆ 2019 جىلى 82 جاسىندا جۋرناليست جادىرا سەيدەشپەن شاڭىراق كٶتەردٸ. ولاردىڭ ٷيلەنۋ تويى الماتىدا ٶتتٸ.
نۇرعالي نٷسٸپجانوۆ 1937 جىلى, ال جادىرا سەيدەش 1982 جىلى دٷنيەگە كەلگەن. ەكەۋٸنٸڭ اراسىنداعى جاس ايىرماشىلىعى – 45 جىل. ولار جادىرا تەلەجٷرگٸزۋشٸ بولىپ قىزمەت اتقارعان كەزەڭدە تانىسقان. ٶنەر يەسٸنٸڭ ەگدە جاسىندا قايتا وتباسىن قۇرۋى كەزٸندە كٶپشٸلٸكتٸڭ نازارىن اۋداردى.
4. اسانەلٸ ەشٸموۆ پەن باعدات ەشٸموۆا
قازاق كينوسىنىڭ كٶرنەكتٸ ٶكٸلٸ اسانەلٸ ەشٸموۆ پەن باعدات ەشٸموۆانىڭ اراسىنداعى جاس ايىرماشىلىعى 34 جىل بولعان. اكتەر 1937 جىلى دٷنيەگە كەلگەن. ەكەۋٸ اسانەلٸ ەشٸموۆ اۋرۋحانادا ەم قابىلداپ جٷرگەن كەزدە تانىسقان. ول ۋاقىتتا باعدات مەديتسينا سالاسىندا قىزمەت ەتكەن.
2002 جىلى ەرلٸ-زايىپتىلار شاڭىراق كٶتەرٸپ, 2008 جىلى اسانەلٸ ەسٸمدٸ ۇل سٷيدٸ. باعدات ەشٸموۆا سۇحباتتارىنىڭ بٸرٸندە جۇبايىنىڭ اتاعى مەن جاسىنا ەمەس, ادامگەرشٸلٸگٸ مەن جان دٷنيەسٸنە مەن بەرگەنٸن ايتقان.
اسانەلٸ ەشٸموۆ 2025 جىلى ٶمٸردەن ٶتتٸ.
5. تۇڭعىشباي جامانقۇلوۆ پەن دەرييا جٷسٸپ
قازاقستاننىڭ حالىق ەرتٸسٸ تۇڭعىشباي جامانقۇلوۆ پەن اكتريسا دەرييا جٷسٸپتٸڭ اراسىنداعى جاس ايىرماشىلىعى – 24 جىل. تۇڭعىشباي جامانقۇلوۆ 1948 جىلى دٷنيەگە كەلگەن.
ەكەۋٸن ٶنەر جولى تابىستىرعان. دەرييا جٷسٸپ بولاشاق جارىنىڭ شەكٸرتٸ بولعان. كەيٸن ۇستاز بەن شەكٸرت اراسىنداعى سىيلاستىق وتباسىلىق قارىم-قاتىناسقا ۇلاسقان. اكتريسا سۇحباتتارىندا جۇبايىمەن اراداعى ەكٸ مٷشەل جاس ايىرماشىلىعىن جاسىرماي ايتىپ جٷر. ەرلٸ-زايىپتىلاردىڭ ەكٸ ۇلى مەن بٸر قىزى بار.
6. قىدىرەلٸ بولمانوۆ پەن قاراقات ەبٸلدينا
تانىمال ەنشٸلەر قىدىرەلٸ بولمانوۆ پەن قاراقات ەبٸلدينانىڭ اراسىنداعى جاس ايىرماشىلىعى – 14 جىل. قاراقات بولاشاق جارىمەن ستۋدەنت كەزٸندە تانىسقان. باستاپقىدا شىعارماشىلىق بايلانىس ورناتقان ەكەۋٸنٸڭ قارىم-قاتىناسى كەيٸن ماحابباتقا ۇلاسقان.
1999 جىلى شاڭىراق كٶتەرگەن ٶنەرلٸ جۇپ 2024 جىلى وتباسىلىق ٶمٸرٸنٸڭ 25 جىلدىعىن اتاپ ٶتتٸ. ەرلٸ-زايىپتىلار التى بالا تەربيەلەپ وتىر. قاراقات جۇبايىن ٶمٸرلٸك تٸرەگٸ ەرٸ شىعارماشىلىق سەرٸگٸ رەتٸندە قۇرمەتتەيتٸنٸن ايتىپ كەلەدٸ.
7. مەدينا سەدۋاقاسوۆا مەن ولجاس سماعۇلوۆ
تانىمال ەنشٸ مەدينا سەدۋاقاسوۆا دا ٶزٸنەن كٸشٸ ازاماتقا تۇرمىسقا شىققان قازاقستاندىق جۇلدىزداردىڭ بٸرٸ. ٶنەر يەسٸ 1979 جىلى دٷنيەگە كەلگەن, ال جۇبايى ولجاس سماعۇلوۆ ودان جەتٸ جاس كٸشٸ. ەرلٸ-زايىپتىلار 2009 جىلى تانىسقانىمەن, ولاردىڭ اراسىنداعى سەزٸم بٸرنەشە جىلدان كەيٸن ويانعان. 2013 جىلى كەزدەسٸپ باستاعان جۇپ 2014 جىلعى 2 اقپاندا شاڭىراق كٶتەردٸ.
مەدينانىڭ جۇبايى ولجاس سماعۇلوۆ تەلەرەجيسسەر بولىپ جۇمىس ٸستەگەن. ەكەۋٸنٸڭ ەنۋار ەسٸمدٸ ۇلى بار.
ەنشٸ بۇعان دەيٸن بەرگەن سۇحباتتارىندا كٷيەۋٸمەن اراداعى جاس ايىرماشىلىعى وتباسىلىق باقىتقا كەدەرگٸ بولماعانىن ايتىپ, ٶزارا تٷسٸنٸستٸك پەن سىيلاستىقتىڭ ماڭىزدى ەكەنٸن جەتكٸزگەن.
ماحابباتتىڭ ٶلشەمٸ جاس پا?
بۇل جۇلدىزدى جۇپتاردىڭ ٶمٸر جولى ماحابباتتىڭ جاسپەن ٶلشەنبەيتٸنٸن كٶرسەتەدٸ. بٸرٸ ٶزٸنەن بٸرنەشە جاس كٸشٸ جانمەن شاڭىراق كٶتەرسە, ەندٸ بٸرٸ اراداعى ونداعان جىلدىق ايىرماشىلىققا قاراماستان وتباسىن قۇرعان. ولاردىڭ تاڭداۋى كەزٸندە قوعامدا تٷرلٸ پٸكٸر تۋعىزعانىمەن, ەرقايسىسى جەكە ٶمٸرٸنە قاتىستى شەشٸمدٸ ٶزٸ قابىلداعان.
دەگەنمەن باقىتتى وتباسىنىڭ كەپٸلٸ جاس ايىرماشىلىعىندا ەمەس, ٶزارا سىيلاستىقتا, سەنٸم مەن تٷسٸنٸستٸكتە بولسا كەرەك. ٶيتكەنٸ ماحابباتتا ەڭ ماڭىزدىسى – ەكٸ ادامنىڭ بٸر-بٸرٸنە دەگەن شىنايى سەزٸمٸ مەن ورتاق ٶمٸرگە دايىندىعى.
