Shy­dam­dy­lyq tanytsaq, biz kútken jaq­sy kún­der erterek týa­tyny anyq - Tóregeldi Sharmanov

Biz qazaq basymyzdan talai qiyn-qystaý kezeńderdi, oqiǵalardy ótkizdik. Qazir jasy toqsanǵa kelip otyrǵan meniń ózim asharshylyqtyń, soǵystyń kýágerimin.

Sol náýbetter kezinde et ja­qyn­darymyzdan aiyryldyq. Tek Ekinshi dúniejúzilik soǵys­tyń ózinde qanshama qazaq qy­nadai qyryldy. Biraq bizdiń halyq qandai aýyr kezeń­derde de adamgershilikti saqtai bilgenin umytpaýymyz kerek. Óz basyna kún týǵan kezeńder­de de basqalarǵa qol ushyn so­zýdy adamdyq paryz dep esep­tedi. Qazaqtyń ózge ulttarǵa pana bolǵanyn aitpai-aq, tek «Le­ningradtyq órenim» deitin Jam­byl atamyzdyń áigili jy­ryn eske túsirsek te jetki­likti. Sol jyrdyń myńdaǵan le­nin­gradtyqqa kúsh bergeni, jubatqany, beibit ómirge tal­pyndyrǵany kúni keshegidei esimizde.

Otandastarymdy, jalpy ba­ýyrlarymdy osy qa­ýip­ti ári qaterli indet kezin­de sabyr saqtaýǵa shaqy­ra­myn. Eń aldymen jasy úl­ken ata-áje­lerińdi, ba­la-shaǵa­laryń­dy qor­ǵap, olardyń ómir­ine qa­ýip tón­dirmeńder degim ke­ledi. Karan­tin talaptaryn oryndap, tártipke baǵynsaq, shy­dam­dy­lyq tanytsaq, biz kútken jaq­sy kún­der erterek týa­tyny anyq. Iá, ol bizdiń sa­byrymyzǵa, tózim­imizge bailanysty bolyp tur. Basqa túsken qiyndyqty sabyrmen ǵana jeńe­miz. Bul jaǵ­dai tek bizdiń emes, dúnie­­jú­zi halyqtarynyń basynan ótip jatyr. Sol úshin birin­shi kezekte azamat­tyq qadir-qa­sietimizge kóleńke túspese eken. Otandastaryma da osyny tilei­­min. Et jaqyndarymyzdy da ba­rynsha qor­ǵaiyq, azamat­ty­ǵymyzdy da joǵalt­paiyq.

Mundai qiyn-qystaý shaq­ta memle­ketimizdiń basshysy Qasym-Jomart Toqaevtyń tóńi­regine toptasyp, tyǵy­ryq­tan shyǵý joldaryn birlese izdege­nimiz jón dep bilemin.

Tóregeldi ShARMANOV,

Qazaq taǵamtaný akademiiasynyń prezidenti, akademik, Memlekettik syilyqtyń laýreaty

"Egemen Qazaqstan"