Qazaqstandyq saqtandyrý kompaniialarynyń biri Shri-Lanka premer-ministrine tiesili Mercedes-Benz S 600 markaly eki avtokólikti saqtandyrý mindettemesin moinyna aldy, dep habarlaidy QazAqparat Elorda Info portalyna silteme jasap.
«Kólikterdiń qunynan bólek onyń ereksheligi - avtomashinanyń iesi tap bolýy múmkin barlyq qaýip-qaterlerden saqtaý qajettiginde. Osyǵan bailanysty saqtandyrý somasy árbir kólik úshin 570 mln.-ǵa jýyq teńgeni qurady», - delingen kompaniianyń taratqan habarlamasynda.
«Mercedes-Benz S 600» - mersedesterdiń altynshy býyny. Ol kóptegen elektronikalarmen óte yńǵaily etip jasalǵan. Kólikte kenetten týyndaǵan kedergi aldynda shuǵyl toqtaý júiesi bar. Sondai-aq úsh ese úlkeitip kórsetetin navigatsiia, joldy lazermen skanerlep, onyń bederine yńǵailanatyn Magic Body Control júiesi qamtylǵan. Oryndyqtar jolaýshyǵa barynsha jailylyqty qamtamasyz etedi. Onyń massaj jasaityn fýnktsiiasyn aifon arqyly basqarýǵa bolady. Al beldikke jolaýshy soqtyǵysý kezinde onyń astynan syrǵyp túspes úshin qaýipsizdik jastyqshasy ornatylǵan.
Atap ótilgendei, qazaqstandyq saqtandyrý kompaniiasynda buǵan deiin Frankfýrt avtosalonynda usynylǵan Ferrari 458 Italia, Brýnei memleketiniń hanzadasyna tiesili LaFerrari, úndi aktrisasy jáne 2000 jylǵy álem arýynyń Rolls-Royce Wraith kóligi saqtandyrylǵan.
